ஆசியக்கோப்பை அட்டவணை வெளியானது.. இந்தியா - பாகிஸ்தான் போட்டி எப்போது?.. ரசிகர்களுக்கு டபுள் ட்ரீட்!

அட்டவணை வெளியீடு

இந்நிலையில் போட்டியின் முழு அட்டவணையும் வெளியிடப்பட்டுள்ளது. அதன்படி ஆகஸ்ட் 27ம் தேதி முதல் ஆசியக்கோப்பை போட்டிகள் தொடங்கும் என அறிவிக்கப்பட்டுள்ளது. இறுதிப்போட்டி செப்டம்பர் 11ம் தேதி நடைபெறவுள்ளது. முதல் மற்றும் இறுதிப்போட்டி இரண்டுமே துபாய் சர்வதேச மைதானத்தில் தான் ஏற்பாடு செய்யப்பட்டுள்ளது.

போட்டி முறை

மொத்தம் 8 அணிகள் பங்கேற்கும் இந்த தொடர் இரண்டு குரூப்களாக பிரிக்கப்பட்டு, ஒவ்வொரு குரூப்பிற்கும் தலா 3 அணிகள் மோதிக்கொள்ளும். அதன்படி ஏ குரூப்பில் இந்தியா, பாகிஸ்தான் அணிகள் இடம்பெற்றுள்ளன. பி பிரிவில் இலங்கை, ஆஃப்கானிஸ்தான், வங்கதேசம் அணிகள் உள்ளன. தகுதிச்சுற்றின் அடிப்படையில் ஹாங்காங், குவைத், சிங்கப்பூர், அமீரகம் அணிகளில் இருந்து ஏதேனும் ஒரு அணி 'ஏ' பிரிவில் சேர்க்கப்படும்.

இந்தியா - பாக். ஆட்டம்

ரசிகர்கள் பெரிதும் எதிர்பார்த்து காத்திருக்கும் இந்தியா - பாகிஸ்தான் அணிகள் மோதும் போட்டியானது ஆகஸ்ட் 28ம் தேதியன்று துபாய் சர்வதேச மைதானத்தில் நடைபெறவுள்ளது. டி20 உலகக்கோப்பை மற்றும் 2019 ஆசியக்கோப்பையில் பாகிஸ்தானிடம் அடைந்த தோல்விக்கு இந்தியா பழித்தீர்க்க காத்துள்ளது.

2வது சர்ஃபரைஸ்

ஒருவேளை இரு அணிகளும் லீக் சுற்றில் சிறப்பாக விளையாடி முன்னேறினால் சூப்பர் 4 சுற்றிலும் மீண்டும் நேருக்கு நேர் மோதிக்கொள்ள வாய்ப்புள்ளது. இதுமட்டுமல்லாமல் இறுதிப்போட்டியிலும் இரு அணிகள் மோதுவதற்கு அதிக வாய்ப்புள்ளதால் ரசிகர்கள் எதிர்பார்ப்புடன் காத்துள்ளனர்.