பாகிஸ்தானுக்கு எதிராக வரலாறு படைத்த யுஏஇ பவுலர்.. புவனேஸ்வர் குமாரின் சாதனையை உடைத்த ஜுனைத் சித்திக்

துபாய்: 2025 ஆசிய கோப்பை தொடரில், ஐக்கிய அரபு அமீரக (UAE) அணி பாகிஸ்தானிடம் தோல்வி அடைந்த நிலையிலும், அந்த அணியின் வேகப்பந்து வீச்சாளர் ஜுனைத் சித்திக், தனது அபாரமான பந்துவீச்சால் ஒரு புதிய வரலாற்று சாதனையை படைத்துள்ளார். புதன்கிழமை நடந்த போட்டியில், பாகிஸ்தான்னுக்கு எதிராக 4 விக்கெட்டுகளை வீழ்த்தியதன் மூலம், இந்திய வேகப்பந்து வீச்சாளர் புவனேஸ்வர் குமார்ரின் முக்கிய சாதனையை முறியடித்து, ஆசிய கோப்பை டி20 வரலாற்றில் தனது பெயரைப் பொறித்துள்ளார்.

பாகிஸ்தானை மிரட்டிய ஜுனைத் சித்திக்:

துபாய் சர்வதேச மைதானத்தில் நடந்த இந்தப் போட்டியில், முதலில் பந்துவீசிய ஐக்கிய அரபு அமீரக அணி சார்பில், ஜுனைத் சித்திக் தொடக்கம் முதலே பாகிஸ்தான் பேட்ஸ்மேன்களுக்கு சிம்மசொப்பனமாக விளங்கினார். போட்டியின் முதல் ஓவரிலேயே, அதிரடி வீரர் சயிம் அயூப்பை டக் அவுட் ஆக்கி அதிர்ச்சி கொடுத்தார். மூன்றாவது ஓவரில், மற்றொரு தொடக்க ஆட்டக்காரரான சாஹிப்சாதா ஃபர்ஹான்னையும் (5) வெளியேற்றி, பாகிஸ்தானுக்கு பெரும் நெருக்கடியைக் கொடுத்தார்.

அதோடு நிற்காமல், டெத் ஓவர்களிலும் தனது தாக்குதலைத் தொடர்ந்த அவர், முகமது நவாஸ் (4) மற்றும் அதிரடியாக ஆட முயன்ற முகமது ஹாரிஸ் (18) ஆகியோரின் விக்கெட்டுகளையும் வீழ்த்தி, தனது 4 விக்கெட் சாதனையை நிறைவு செய்தார். 4 ஓவர்கள் வீசிய அவர், வெறும் 18 ரன்கள் மட்டுமே விட்டுக்கொடுத்து 4 விக்கெட்டுகளைச் சாய்த்தார்.

ஜுனைத் சித்திக் மற்றும் சிம்ரன்ஜீத் சிங்கின் (3 விக்கெட்டுகள்) சிறப்பான பந்துவீச்சால், பாகிஸ்தான் அணி 146 ரன்களுக்கு கட்டுப்படுத்தப்பட்டது. ஜுனைத் சித்திக்கின் பந்துவீச்சு சிறப்பாக இருந்த போதிலும், ஐக்கிய அரபு அமீரக அணி பேட்டிங்கில் சொதப்பியதால் 41 ரன்கள் வித்தியாசத்தில் தோல்வியடைந்தது. இந்த அபாரமான பந்துவீச்சின் மூலம் ஜுனைத் சித்திக் பல சாதனைகளை நிகழ்த்தியுள்ளார்:

பாகிஸ்தானுக்கு எதிராக ஆசிய கோப்பை டி20 போட்டிகளில் சிறந்த பந்துவீச்சு:

இந்த சாதனையில், இந்திய வீரர் புவனேஸ்வர் குமாரை (4/26) ஜுனைத் சித்திக் பின்னுக்குத் தள்ளியுள்ளார்.

• ஜுனைத் சித்திக் (UAE): 4 ஓவர்களில் 18 ரன்களுக்கு 4 விக்கெட்டுகள் (துபாய், செப் 17, 2025)
• புவனேஸ்வர் குமார் (இந்தியா): 4 ஓவர்களில் 26 ரன்களுக்கு 4 விக்கெட்டுகள் (துபாய், ஆகஸ்ட் 28, 2022)
• பிரமோத் மதுஷன் (இலங்கை): 4 ஓவர்களில் 34 ரன்களுக்கு 4 விக்கெட்டுகள் (துபாய், செப் 11, 2022)
• ஹர்திக் பாண்டியா (இந்தியா): 3.3 ஓவர்களில் 8 ரன்களுக்கு 3 விக்கெட்டுகள் (மிர்பூர், பிப்ரவரி 27, 2016)
• குல்தீப் யாதவ் (இந்தியா): 4 ஓவர்களில் 18 ரன்களுக்கு 3 விக்கெட்டுகள் (துபாய், செப் 14, 2025)

ஐக்கிய அரபு அமீரகத்திற்காக ஆசிய கோப்பை டி20 போட்டிகளில் சிறந்த பந்துவீச்சு:

இந்தச் சாதனையில், தனது சொந்த சாதனையை அவரே முறியடித்துள்ளார்.

• ஜுனைத் சித்திக்: 4/18 (பாகிஸ்தானுக்கு எதிராக, துபாய், செப் 17, 2025)
• ஜுனைத் சித்திக்: 4/23 (ஓமனுக்கு எதிராக, அபுதாபி, செப் 15, 2025)
• முகமது நவீத்: 4/14 (ஹாங்காங்கிற்கு எதிராக, ஃபதுல்லா, பிப்ரவரி 21, 2016)

ஆஸ்திரேலிய கிரிக்கெட் வரலாற்றிலேயே படுமோசமான தோல்வி.. இந்திய மகளிர் அணி 18 ஆண்டுக்கு பின் வெற்றி

ஆசிய கோப்பையில் அதிக 'ஃபோர்-ஃபர்' (ஒரு போட்டியில் 4 விக்கெட்டுகள்):

இந்த ஆசிய கோப்பையில் தனது இரண்டாவது 4-விக்கெட் சாதனையை நிகழ்த்தியதன் மூலம், புவனேஸ்வர் குமாரின் சாதனையை ஜுனைத் சித்திக் சமன் செய்துள்ளார்.

• ஜுனைத் சித்திக் (UAE): 2
• புவனேஸ்வர் குமார் (இந்தியா): 2
• லசித் மலிங்கா (இலங்கை): 1
• குல்தீப் யாதவ் (இந்தியா): 1
• பிரமோத் மதுஷன் (இலங்கை): 1