அப்பாடா.. எமிரேட்ஸைப் போட்டுத் தாக்கி வெற்றிப் பெருமூச்சு விட்ட பாகிஸ்தான்!

அபாரமாக ஆடிய உமர் அக்மல் - சோயப் மாலிக்

சோயப் மாலிக்கும், உமர் அக்மல்லும் சிறப்பாக ஆடினர். இருவரும் கடைசி வரை ஆட்டமிழக்காமல் அணியை வெற்றிப்பாதைக்கு இட்டுச் சென்றனர்.

114 ரன் பார்ட்னர்ஷிப்

இருவரும் இணைந்து 4வது விக்கெட்டுக்கு 114 ரன்களைக் குவித்து அணிக்கு வெற்றியைத் தேடித் தந்தனர்.சோயப் மாலிக் 63 ரன்களும், உமர் அக்மல் 50 ரன்களும் எடுத்து ஆட்டமிழக்காமல் இருந்தனர்.

18.4 ஓவர்களிலேயே

130 ரன்கள் எடுத்தால் வெற்றி என்ற நிலையில் சேஸிங் செய்து வந்த பாகிஸ்தான் 18.4 ஓவர்களில் அந்த இலக்கை எட்டி வெற்றியும் பெற்றது.

129 ரன்கள் சேர்த்த எமிரேட்ஸ்

முன்னதாக ஐக்கிய அரபு எமிரேட்ஸ் அணி 20 ஓவர்களில் 6 விக்கெட்களை இழந்து 129 ரன்களை எடுத்தது. ஆரம்பத்திலிருந்தே அந்த அணி தடுமாறியபடி இருந்தது. முதல் நான்கு ஓவர்களில் அது 3 விக்கெட் இழப்புக்கு 12 ரன்களை மட்டுமே எடுத்திருந்தது.

சைமான் அன்வர்

எமிரேட்ஸ் அணியில் சிறப்பாக ஆடியவர் சைமான் அன்வர்தான். 42 பந்துகளில் 46 ரன்களை அவர் குவித்தார். இதில்ஐந்து பவுண்டரிகளும், 2 சிக்ஸர்களும் அடக்கமாகும்.

அதிரடி கேப்டன்

கேப்டன் அம்ஜத் ஜாவேத் 18 பந்துகளைச் சந்தித்து 3 பவுண்டரிகள், 2 சிக்ஸர்களுடன், 27 ரன்களைக் குவித்து அணியின் ரன் சேர்க்கைக்கு உதவினார்.