வங்கதேசம் கொடுத்த அடி.. விரக்தியில் பேட்ஸ்மேனுடன் மோதலில் ஈடுபட்ட மிட்செல் ஸ்டார்க்

டார்வின்: ஆஸ்திரேலியா மற்றும் வங்கதேசம் அணிகளுக்கு இடையிலான முதல் டெஸ்ட் போட்டியின் இரண்டாவது நாள் ஆட்டத்தின் போது ஒரு பரபரப்பு சம்பவம் நிகழ்ந்தது. ஆஸ்திரேலிய வேகப்பந்து வீச்சாளர் மிட்செல் ஸ்டார்க் மற்றும் வங்கதேச ஆல்-ரவுண்டர் மெஹிதி ஹசன் மிராஸ் ஆகியோருக்கு இடையே கடுமையான வாக்குவாதம் ஏற்பட்டது.

பிட்ச்சின் பாதுகாக்கப்பட்ட பகுதியில் மெஹிதி ஹசன் ஓடியதற்கு ஸ்டார்க் தனது எதிர்ப்பை தெரிவித்தார். இருவருக்கும் இடையே வார்த்தை மோதல் முற்றிய நிலையில், நடுவர் குமார் தர்மசேனா தலையிட்டு நிலைமையைக் கட்டுக்குள் கொண்டு வந்தார். வங்கதேச அணியின் முதல் இன்னிங்ஸின் 103-வது ஓவரின் போது இந்தச் சம்பவம் நிகழ்ந்தது.

மெஹிதி ஹசன் மிராஸ் பாயிண்ட் திசையில் பந்தை தட்டிவிட்டு ரன் எடுக்க ஓடினார். அவ்வாறு ஓடும்போது, அவர் பிட்ச்சின் நடுப்பகுதியான பாதுகாக்கப்பட்ட பகுதி வழியாக ஓடினார். இதைப் பார்த்த மிட்செல் ஸ்டார்க் உடனடியாக மெஹிதியிடம் சென்று கோபமாகப் பேசினார். ஸ்டம்பில் இருந்த மைக்ரோஃபோனில் ஸ்டார்க் பேசிய வார்த்தைகள் தெளிவாகப் பதிவாகின. அவர், "இது எனது ஃபாலோ-த்ரூ பகுதி, உன்னுடையது அல்ல. பிட்ச்சில் இருந்து வெளியே போ" என்று கத்தினார்.

IND vs SL: இந்த ஒரு வீரர்தான் இந்தியாவின் X-Factor.. இலங்கைக்கு சிக்கல் காத்திருக்கிறது

இதற்கு மெஹிதி ஹசன், தான் பந்தையே கவனித்துக் கொண்டு ஓடியதால், ஸ்டார்க் வருவதை கவனிக்கவில்லை என்று விளக்கமளிக்க முயன்றார். அப்போது தலையிட்ட நடுவர் குமார் தர்மசேனா, பாதுகாக்கப்பட்ட பகுதியில் ஓடக்கூடாது என்று மெஹிதிக்கு எச்சரிக்கை விடுத்தார்.

கிரிக்கெட் விதிகளின்படி, பிட்ச்சின் பாதுகாக்கப்பட்ட பகுதிக்கு வேண்டுமென்றோ அல்லது தவிர்க்கக்கூடிய வகையிலோ சேதம் விளைவிக்கும் பேட்டருக்கு நடுவர் எச்சரிக்கை விடுக்கலாம். முதல் மற்றும் இறுதி எச்சரிக்கைக்குப் பிறகும் அதே இன்னிங்ஸில் மீண்டும் அதே தவறைச் செய்தால், அந்த ரன் ரத்து செய்யப்படுவதுடன், எதிரணிக்கு 5 பெனால்டி ரன்களும் வழங்கப்படும். ஆனால், இந்தச் சம்பவத்தில் எடுக்கப்பட்ட ரன் அனுமதிக்கப்பட்டதுடன், எந்தவித அபராதமும் விதிக்கப்படவில்லை.

இந்த போட்டியின் போது வர்ணனையாளராக இருந்த ஆஸ்திரேலிய அணியின் முன்னாள் கேப்டன் ரிக்கி பாண்டிங், மெஹிதி வேண்டுமென்றே பிட்ச்சிற்கு சேதம் விளைவிக்கவில்லை என்று கருத்து தெரிவித்தார். பேட்டர் பந்தின் மீதே கவனம் செலுத்தியதால், தான் எங்கு ஓடுகிறோம் என்பதை அவர் நிமிர்ந்து பார்த்த பின்னரே உணர்ந்ததாக பாண்டிங் குறிப்பிட்டார்.

Also Read

IND vs SL: காலேவில் கம்பீர் போடப்போகும் பெரிய ஸ்பின் வியூகம்.. அதுக்குனு 4 ஸ்பின்னர்களா?

இரண்டாம் நாள் ஆட்ட நேர முடிவில் வங்கதேச அணி 351 ரன்களுக்கு 6 விக்கெட்டுகளை இழந்து, 153 ரன்கள் முன்னிலையில் இருந்தது. இந்த நெருக்கடியான சூழ்நிலையே ஸ்டார்க்கின் கோபத்திற்கு காரணமாக இருக்கலாம் என்று கருதப்படுகிறது. அன்றைய நாளில் ஆஸ்திரேலிய அணியில் இரண்டாவது அதிகபட்சமாக 21 ஓவர்கள் வீசிய ஸ்டார்க், 68 ரன்கள் கொடுத்து 2 விக்கெட்டுகளைக் கைப்பற்றினார். இதன் மூலம், டெஸ்ட் கிரிக்கெட்டில் அதிக விக்கெட்டுகளை வீழ்த்திய பந்துவீச்சாளர்கள் பட்டியலில் இந்தியாவின் கபில் தேவின் சாதனையை முறியடித்து ஸ்டார்க் 11-வது இடத்தைப் பிடித்துள்ளார் என்பது குறிப்பிடத்தக்கது.