உங்க நேரம் முடிந்தது.. தீவிர பயிற்சிக்கு இடையே வந்த ஷாக் செய்தி..இளம் வீரரை அதிரடியாக நீக்கிய ரஹானே

இந்திய அணி

நாளை நடக்கும் டெஸ்ட் போட்டியில் விளையாடும் இந்திய அணியில் சுப்மான் கில், மயங்க் அகர்வால், புஜாரா, ரஹானே, ஜடேஜா, பண்ட், ஹனுமா விஹாரி, அஷ்வின், பும்ரா, உமேஷ் யாதவ், முகமது சிராஜ் ஆகியோர் விளையாடுகிறார்கள்.

நீக்கம்

இந்திய அணியில் பல முறை வாய்ப்பு கொடுத்தும் மோசமாக சொதப்பி வந்த இளம் வீரர் ப்ரித்வி ஷா அணியில் இருந்து நீக்கப்பட்டுள்ளார். இவருக்கு பதிலாக சுப்மான் கில் அணிக்குள் வாய்ப்பு பெற்றுள்ளார். ப்ரித்வி ஷா இந்திய அணியின் பயிற்சி ஆட்டத்தில் சரியாக ஆடவில்லை.

மோசம்

அதேபோல் முதல் டெஸ்ட் போட்டியிலும் டக் அவுட் எல்லாம் ஆகி அதிர்ச்சி அளித்தார். இந்த நிலையில் இரண்டாவது டெஸ்ட் போட்டிக்காக இவர் தீவிரமாக பயிற்சி எடுத்து வந்தார். எம்சிஜி மைதானத்தில் இவருக்கு சிறப்பு பயிற்சி அளிக்கப்பட்டது. இவர் செய்யும் தவறுகளை சுட்டிகாட்டி சிறப்பு பயிற்சி அளிக்கப்பட்டது.

சிறப்பு பயிற்சி அளிக்கப்பட்டது

இவர் எப்படி அவுட் ஆகிறார் என்பதை வீடியோ போட்டு காட்டி இவருக்கு பயிற்சி வழங்கப்பட்டது. ஆனால் அதன்பின் மேற்கொண்ட பயிற்சியிலும் தனது தவறை திருத்திக் கொள்ளவில்லை என்று கூறப்படுகிறது. இதன் காரணமாக தற்போது அணியில் இருந்து இவர் நீக்கப்பட்டுள்ளார்.

நீக்கம்

இவருக்கு மேலும் ஒரு வாய்ப்பு கொடுக்கலாம் என்றுதான் முதலில் இந்திய அணி நினைத்தது. ஆனால் வலைப்பயிற்சியில் ப்ரித்வி ஷா கொஞ்சம் கூட நம்பிக்கை அளிக்கவில்லை. இதனால் ப்ரித்வி ஷாவிற்கு பதிலாக சுப்மான் கில்லை இந்திய அணியில் எடுக்க ரஹானே முடிவு செய்துள்ளார்.