பொளேர் அடி.. மைதானத்தில் கலங்கி விழுந்த ஆஸி.யின் நம்பிக்கை.. இந்திய இளம் வீரரின் பவுன்சர்.. வீடியோ!

எப்படி

இரண்டு நாட்டு அணிகளுக்கு இடையிலான டெஸ்ட் தொடருக்கு முன்பாக பயிற்சி ஆட்டம் போல இந்த போட்டி நடைபெற்றது. இந்திய அணியின் முக்கியமான வீரர்கள் இந்த ஏ அணியில் இடம்பெற்று இருந்தனர். இந்த போட்டியில் முதலில் ஆடிய இந்திய ஏ அணி 247/9 ரன்கள் எடுத்து டிக்ளேர் செய்தது. அதன்பின் ஆஸ்திரேலிய ஏ அணி 306/9 ரன்கள் எடுத்து டிக்ளேர் செய்தது.

என்ன நடந்தது

பின் இந்திய ஏ அணி 189/9 ரன்கள் எடுத்து டிக்ளேர் செய்தது. அதன்பின் ஆஸ்திரேலிய அணி 52/1 ரன்கள் எடுத்து இருந்த போது ஆட்டம் டை ஆனது. இரண்டு அணிகளுக்கும் இடையிலான இந்த போட்டியில் ஆஸ்திரேலிய அணியின் ஓப்பனிங் வீரர் வில் புக்கோவ்ஸ்கி தலையில் அடிபட்டு பாதி போட்டியில் வெளியேறினார். இந்திய அணியின் இளம் வீரர் கார்த்திக் தியாகி வீசிய பவுன்சர் பந்தில் இந்த சம்பவம் நடந்தது.

சுருண்டு விழுந்தார்

கார்த்திக் தியாகி வீசிய பவுன்சரி பந்தை எதிர்கொள்ள முடியாமல், திணறிய வில் புக்கோவ்ஸ்கி, கீழே குனிந்தார். வேகமாக வந்த பந்து அப்படியே ஹெல்மெட்டில் மோதியது. பந்து பட்ட வேகத்தில் வில் புக்கோவ்ஸ்கி சுருண்டு விழுந்தார். ஸ்டம்பில் இருந்த மைக்கில் பொளேர் என்று சத்தம் கேட்டது.

வெளியேறினார்

இதனால் அவருக்கு லேசாக தலை கலங்கி இருக்கிறது. இதையடுத்து அவர் பாதி போட்டியில் வெளியேறினார். தற்போது இவர் இந்தியாவிற்கு எதிரான டெஸ்ட் தொடரில் இருந்தும் நீக்கப்பட்டுள்ளார். இந்தியாவிற்கு எதிராக டெஸ்ட் தொடரில் வார்னர் காயம் காரணமாக அவதிப்படுவதால் வில் புக்கோவ்ஸ்கி அறிமுகம் செய்யப்படுவார் என்று எதிர்பார்க்கப்பட்டது.

எதிர்பார்ப்பு

இந்த நிலையில் வில் புக்கோவ்ஸ்கியும் காயம் காரணமாக தற்போது வெளியேறி உள்ளார். இவருக்கு 22 வயதுதான் ஆகிறது. ஆஸ்திரேலியாவின் நம்பிக்கை நட்சத்திரமாக பார்க்கப்படும் இவர் இப்படி அடிக்கடி தலையில் அடி வாங்குவது வழக்கமாகி உள்ளது. கார்த்திக் தியாகி ஓவரில் இவர் தலையில் அடிபட்டு சுருண்டு விழுந்த வீடியோ பெரிய வைரலாகி உள்ளது.