85 ஆண்டுக்கால சாதனை சமன்.. அறிமுக டெஸ்டில் வெஸ்ட் இண்டீஸ் வீரர் சாதனை.. ஸ்மித் சோகம்

அடிலெய்ட் : ஆஸ்திரேலியாவுக்கு எதிரான முதல் டெஸ்ட் போட்டியில் அறிமுக வீரராக களம் இறங்கிய வெஸ்ட் இண்டீஸ் வீரர் சமர் ஜோசப் 85 ஆண்டு கால சாதனை ஒன்றை சமன் செய்திருக்கிறார்.இரண்டு போட்டிகள் கொண்ட டெஸ்ட் தொடரில் பங்கேற்பதற்காக வெஸ்ட் இண்டீஸ் அணி ஆஸ்திரேலியாவுக்கு சுற்றுப்பயணம் மேற்கொண்டுள்ளது.

இதில் டாஸ் வென்ற ஆஸ்திரேலிய அணி முதலில் பந்து வீச்சை தேர்வு செய்தது. இதை அடுத்து களம் இறங்கிய கேப்டன் கிரைக் பிராத்வெயிட் 13 ரன்களில் வெளியேற ஜேஜ் நரேன் சந்தர்ப்பால் 6 ரன்களில் வெளியேறினார். இதை அடுத்து மெக்கன்சி அபாரமாக விளையாடி அரை சதம் கடந்தார். இளம் வீரர் அலிக் எத்தனான்சி 13 ரன்களிலும், ஹாஜ் 12 ரன்களிலும் ஜோஸ்வா டி சில்வா 6 ரன்களிலும் அடுத்தடுத்து வெளியேறினர்.

இறுதியில் சம்மர் ஜோசப் மட்டும் 36 ரன்கள் சேர்க்க வெஸ்ட் இண்டீஸ் அணி 62.1 ஓவரில் 188 ரன்களுக்கு ஆட்டமிழந்தது. ஆஸ்திரேலிய பந்துவீச்சு தரப்பில் பேட் கம்மின்ஸ் மற்றும் ஹேசல்வுட் தலா 4 விக்கெட்டுகளை கைப்பற்றினார். இதனை அடுத்து ஆஸ்திரேலியாவில் தங்களுடைய முதல் இன்னிங்சில் விளையாடியது.

வார்னர் ஓய்வு பெற்ற பிறகு அந்த இடத்திற்கு ஸ்மித் விளையாடினார். ஸ்மித் 12 ரன்கள் இருக்கும்போது ஆட்டம் இழந்தார். இதுதான் சாதனையாக கருதப்படுகிறது. ஏனென்றால் அறிமுக வீரராக களம் இறங்கிய சம்மர் ஜோசப் தாம் வீசிய முதல் பந்தலியே ஸ்மித் விக்கெட்டை வீழ்த்தி இருக்கிறார். இதன் மூலம் 85 ஆண்டு கால சாதனை சமன் செய்யப்பட்டிருக்கிறது. 1939 ஆம் ஆண்டு வெஸ்ட் இண்டீஸ் வீரர் டைலர் ஜான்சன் என்பவர் தன்னுடைய முதல் பந்திலே டெஸ்ட் கிரிக்கெட்டில் விக்கெட்டை வீழ்த்தினார்.

இத்தகைய சாதனையை செய்திருக்கும் 23 வது பந்துவீச்சாளர் இவர் என்பது குறிப்பிடத்தக்கது. இதேபோன்று மார்னஸ் லாபஸ்சேன் விக்கெட்டையும் ஜோசப் சமர் வீழ்த்தினார். இதனை எடுத்து ஆஸ்திரேலியா அணி முதல் நாள் ஆட்டநேர முடிவில் 59 ரன்களுக்கு இரண்டு விக்கெட்டுகளை இழந்து விளையாடி வருகிறது.