அடித்து வெளுத்த ஜடேஜா.. அடுத்தடுத்து விக்கெட்டை இழந்த ஆஸி. பேட்ஸ்மேன்கள்.. மையம் கொண்ட ஸ்மித் புயல்!

நேற்று மோசம்

நேற்று இந்திய அணியின் பவுலிங் அத்தனை சிறப்பாக இல்லை. அதேபோல் இந்திய அணியின் பீல்டிங்கும் சிறப்பாக இல்லை. இந்த நிலையில் நேற்று ஆட்ட முடியில் மார்னஸ் மற்றும் ஸ்மித் இருவரும் களத்தில் இருந்தனர்.

இன்று அதிரடி

இந்த நிலையில் இன்றும் மார்னஸ் அதிரடியாக ஆடி வந்தார். ஆனால் 91 ரன்கள் எடுத்திருந்த நிலையில் மார்னஸ் ஜடேஜா பவுலிங்கில் அவுட்டானார்.அதன்பின் இறங்கிய மேத்யூ வேட் 13, கேமரூன் கிரீன் 0 ரன்களுக்கு அவுட்டானார்கள்.

சிறப்பு

இன்று சிறப்பாக பவுலிங் செய்த ஜடேஜா 2 விக்கெட்டுகளை எடுத்தார். ஆனால் இன்னொரு பக்கம் ஸ்மித் உறுதியாக மைதானத்தில் ஆடி வருகிறார். 76 ரன்கள் எடுத்துள்ள ஸ்மித் களத்தில் உறுதியாக ஆடி வருகிறார். இதன் மூலம் ஸ்மித் பல நாட்களுக்கு பின் மீண்டும் பார்மிற்கு திரும்பி உள்ளார்.

இரண்டாம் நாள்

இந்த நிலையில் இன்று இரண்டாம் நாள் ஆட்டத்தில் ஆஸ்திரேலிய அணி 5 விக்கெட்டை இழந்து 249 ரன்கள் எடுத்துள்ளது. இன்று பெரிய அளவில் மழை பெய்யவில்லை . பிட்ச் பவுலிங் செய்ய சாதகமாக இருப்பதால், ஆஸ்திரேலியா விரைவில் ஆல் அவுட் ஆக வாய்ப்புள்ளது.