உலக கோப்பை டி20: ஸ்டீவன் ஸ்மித் தலைமையிலான ஆஸ்திரேலிய அணி அறிவிப்பு

கான்பெரா: உலக கோப்பை டி20 கிரிக்கெட் போட்டிக்கான 15 வீரர்கள் கொண்ட ஆஸ்திரேலிய அணி அறிவிக்கப்பட்டுள்ளது. ஸ்டீவன் ஸ்மித் கேப்டனாகவும், வார்னர் துணை கேப்டனாகவும் செயல்பட உள்ளனர்.

மார்ச் 8ம் தேதி முதல் ஏப்ரல் 3ம் தேதிவரை, உலக கோப்பை டி20 கிரிக்கெட் போட்டி இந்தியாவில் நடைபெற உள்ளது. இப்போட்டிக்கான இந்திய அணி சில தினங்கள் முன்பு அறிவிக்கப்பட்ட நிலையில், இன்று ஆஸ்திரேலிய அணி விவரமும் அறிவிக்கப்பட்டுள்ளது.

ஸ்டீவன் ஸ்மித் (கேப்டன்), டேவிட் வார்னர் (துணை கேப்டன்), அஸ்டன் அகர், நாதன் கல்டர்-நைல், ஜேம்ஸ் பால்க்னர், ஆரோன் பின்ச், ஜான் ஹேஸ்டிங்ஸ், ஜோஷ் ஹசில்வுட், உஸ்மான் கவஜா, மிட்சேல் மார்ஷ், கிளன் மேக்ஸ்வெல், பீட்டர் நெவில் (விக்கெட் கீப்பர்), ஆன்ட்ரு டை, ஷேன் வாட்சன், ஆடம் ஜம்பா. இவர்கள்தான் அணியிலுள்ள 15 வீரர்கள்.

பிக் பாஷ் எனப்படும் ஆஸி. உள்நாட்டு டி20 தொடரில் சிறப்பாக ஆடிய உஸ்மான் கவஜாவுக்கு அணியில் இடம் கிடைத்துள்ள நிலையில், இந்தியாவுக்கு எதிரான டி20 தொடரில் ஸ்பெஷலிஸ்ட் விக்கெட் கீப்பர் இல்லாமல் ஆஸி. அவஸ்தை பட்டதை நினைத்து பார்த்து, பீட்டர் நெவில் விக்கெட் கீப்பராக சேர்க்கப்பட்டுள்ளார்.