"ஐபிஎல்" மேக்ஸ்வெல்லின் அதிரடியில் சின்னாபின்னமான ஜிம்பாப்வே!

மேக்ஸ்வெல் - மார்ஷ்

ஹராரேவில் நடந்த முதல் ஒரு நாள் போட்டியின்போதுதான் இந்த வான வேடிக்கை நடந்தது. இதில் முதலில் பேட்டிங் செய்த ஆஸ்திரேலியா 6 விக்கெட் இழப்புக்கு 350 ரன்களைக் குவித்தது. அதில் முக்கியமானவர்கள் மேக்ஸ்வெல்லும், மிட்சல் மார்ஷும்தான்.

54 பந்துகளில் 109 ரன்கள்

மேக்ஸ்வெல்லும், மார்ஷும் சேர்ந்து 54 பந்துகளில் 109 ரன்களைக் குவித்தனர்.

கடைசி 10 ஓவர்களில் 147 ரன்கள்

இதில் கடைசி 10 ஓவர்களில் ஆஸ்திரேலியா 147 ரன்களைக் குவித்தது. இதற்கு மார்ஷும், மேக்ஸ்வெல்லும் தான் முக்கியக் காரணம்.

அடித்து நொறுக்கிய மார்ஷ்

கடந்த 14 மாதமாக ஒரு நாள் போட்டி எதிலும் ஆடாத மார்ஷ், 83 பந்துகளில் 89 ரன்களைக் குவித்தார்.

மேக்ஸ்வெல் அதிரடி

ஆனால் மேக்ஸ்வெல்தான் வான வேடிக்கையை காட்டினார். வந்த பந்தையெல்லாம் அடித்து நொறுக்கிய அவர் ஏதோ ஐபிஎல் போட்டியில் ஆடுவது போல ஆடினார். 46 பந்துகளைச் சந்தித்த அவர் 93 ரன்களைக் குவித்தார். இதில் 9 பவுண்டரிகளும், 5 சிக்ஸர்களும் அடக்கம்.

பின்ச் - ஹாடின் பிரமாதம்

முன்னதாக ஆரோன் பின்ச் 67 ரன்களையும், பிராட் ஹாடின் 46 ரன்களையும் சேர்த்து நல்ல அடித்தளத்தை அமைத்துக் கொடுத்தனர்.