இந்தியா செய்த சம்பவம்.. உடைந்து நொறுங்கும் ஆஸி. அணி.. புரட்சியில் இறங்கிய மூத்த வீரர்கள்.. பரபரப்பு

எப்படி

இதில் ஆஸ்திரேலிய டெஸ்ட் அணியின் பயிற்சியாளராக ஜஸ்டின் லாங்கர் இருப்பார். டி 20 அணியின் பயிற்சியாளராக ஆண்ட்ரு மெக் டொனால்ட் நியூசிலாந்துக்கு செல்வார். இதற்காக இரண்டு தனி தனி அணிகள் உருவாக்கப்பட்டுள்ளது. இதன் மூலம் எந்த பயிற்சியாளர் நன்றாக செயல்படுகிறார் என்று கண்டுபிடிக்க ஆஸ்திரேலிய அணி நிர்வாகம் முடிவு செய்துள்ளது.

முடிவு

இந்த நிலையில் ஆஸ்திரேலிய அணியின் பயிற்சியாளர் ஜஸ்டின் லாங்கருக்கு எதிராக வீரர்கள் கொதித்து எழுந்துள்ளனர் என்று கூறப்படுகிறது. இவரின் பயிற்சி முறை பிடிக்கவில்லை. இவரை சரியாக அணுக முடியவில்லை. பயிற்சியாளர் சரியில்லை என்று கூறியுள்ளனர்.

மூத்த வீரர்கள்

மூத்த வீரர்கள் இது தொடர்பாக அணி நிர்வாகத்திடம் புகார் அளித்துள்ளனர். எங்களால் பயிற்சியாளரிடம் பேச முடியவில்லை. அவர் தவறாக திட்டம் வகுக்கிறார். வீரர்களை அவர் நம்புவது இல்லை என்று மூத்த வீரர்கள் சிலர் பயிற்சியாளருக்கு எதிராக புரட்சியில் குதித்து உள்ளனர்.

புரட்சி

இந்த நிலையில் இது தொடர்பாக தற்போது பயிற்சியாளர் ஜஸ்டின் லாங்கர் கருத்து தெரிவித்துள்ளார். அதில், இந்த செய்திகளை வதந்தி என்று கூறிவிட முடியாது. நான் கவனமாக இருக்க வேண்டிய நேரம் வந்துவிட்டது. நான் விமர்சனங்களை ஏற்றுக்கொள்கிறேன்.

விமர்சனம்

இந்த கருத்துக்களை, செய்திகளை நான் பொய் என்று கூறிவிட மாட்டேன். இது என்னை மாற்றிக்கொள்ள வேண்டிய நேரம். வீரர்களிடம், பவுலர்களிடம் இது குறித்து பேசுவேன், என்று கூறியுள்ளார். இந்திய அணியிடம் ஆஸ்திரேலியா மோசமாக தோல்வி அடைந்ததுதான் இந்த சர்ச்சைகள் அனைத்திற்கும் காரணம் என்கிறார்கள்.