BAN vs AUS: ஜோ ரூட் சாதனையை சமன் செய்த ஸ்மித்.. பேட்டிங்கில் மற்றொரு ரெக்கார்டை முறியடிக்க வாய்ப்பு

டார்வின்: ஆஸ்திரேலிய அணியின் நட்சத்திர வீரர் ஸ்டீவ் ஸ்மித், டெஸ்ட் கிரிக்கெட் வரலாற்றில் அதிக கேட்ச்கள் பிடித்த இங்கிலாந்து வீரர் ஜோ ரூட்டின் உலக சாதனையை சமன் செய்து வரலாற்றுப் புத்தகத்தில் தனது பெயரைப் பதிவு செய்துள்ளார். டார்வினில் வங்கதேசத்திற்கு எதிராக நடைபெற்று வரும் முதலாவது டெஸ்ட் போட்டியின் முதல் இன்னிங்ஸில் மூன்று கேட்ச்களைப் பிடித்ததன் மூலம், சிட்னியைச் சேர்ந்த 37 வயதான ஸ்மித், டெஸ்ட் கிரிக்கெட்டில் தனது மொத்த கேட்ச்களின் எண்ணிக்கையை 218 ஆக உயர்த்தியுள்ளார்.

ஆகஸ்ட் 19 ஆம் தேதி லீட்ஸ் நகரில் தொடங்கவுள்ள பாகிஸ்தானுக்கு எதிரான மூன்று போட்டிகள் கொண்ட டெஸ்ட் தொடரில் இங்கிலாந்து அணியை வழிநடத்தவிருக்கும் ஜோ ரூட், இதுவரை 166 டெஸ்ட் போட்டிகளின் 317 இன்னிங்ஸ்களில் விளையாடி 218 கேட்ச்களைப் பிடித்துள்ளார்.

இதற்கிடையில், டார்வினில் வங்கதேசத்திற்கு எதிராக நடைபெற்று வரும் முதலாவது டெஸ்ட் போட்டி ஸ்டீவ் ஸ்மித்தின் 124-வது டெஸ்ட் போட்டியாகும். அவர் இந்த மைல்கல்லை 218 கேட்ச்கள் எட்ட வெறும் 236 இன்னிங்ஸ்களை மட்டுமே எடுத்துக் கொண்டுள்ளார்.

சுதந்திர தின விழா.. என் இந்திய தேசம் இது.. நாட்டுப்பற்று உடன் விராட் கோலி, ரோகித் சர்மா வாழ்த்து

டெஸ்ட் கிரிக்கெட்டில் அதிக கேட்ச்கள் பிடித்த வீரர்களின் பட்டியலில் இங்கிலாந்தின் ஜோ ரூட் மற்றும் ஆஸ்திரேலியாவின் ஸ்டீவ் ஸ்மித் ஆகியோர் தலா 218 கேட்ச்களுடன் முதலிடத்தில் உள்ளனர். இவர்களுக்கு அடுத்த இடங்களில் இந்தியாவின் ராகுல் டிராவிட் (210 கேட்ச்கள்), இலங்கையின் மகேலா ஜெயவர்த்தன (205 கேட்ச்கள்), தென்னாப்பிரிக்காவின் ஜாக் காலிஸ் (200 கேட்ச்கள்) ஆகியோர் உள்ளனர்.

மேலும் ஆஸ்திரேலியாவின் ரிக்கி பாண்டிங் (196 கேட்ச்கள்), மார்க் வாக் (181 கேட்ச்கள்), இங்கிலாந்தின் அலஸ்டியர் குக் (175 கேட்ச்கள்), நியூசிலாந்தின் ஸ்டீபன் பிளெமிங் (171 கேட்ச்கள்) மற்றும் தென்னாப்பிரிக்காவின் கிரேம் ஸ்மித் (169 கேட்ச்கள்) ஆகியோரும் இப்பட்டியலில் அடுத்தடுத்த இடங்களில் உள்ளனர்.

வங்கதேசத்திற்கு எதிரான இப்போட்டியில், ஜோஷ் ஹேசில்வுட் வீசிய 82-வது ஓவரின் நான்காவது பந்தில் வங்கதேச கேப்டன் நஜ்முல் ஹொசைன் சாண்டோவின் கேட்சைப் பிடித்ததன் மூலம் ஸ்மித் தனது கேட்ச் கணக்கைத் தொடங்கினார்.

பின்னர் 85-வது ஓவரில், மிட்செல் ஸ்டார்க் பந்துவீச்சில் லிட்டன் தாஸின் கேட்சை அவர் கைகளில் ஏந்தினார். அதற்கு அடுத்த ஓவரில், முஷ்பிகுர் ரஹீமின் கேட்சைப் பிடித்ததன் மூலம் ஜோ ரூட்டின் உலக சாதனையை அவர் சமன் செய்தார்.

இப்போட்டியின் முதல் இன்னிங்ஸில் ஆஸ்திரேலியாவுக்காக அரைசதம் அடித்த ஸ்மித், வங்கதேசத்தின் இரண்டாவது இன்னிங்ஸில் இன்னும் ஒரு கேட்ச் பிடித்தால் கூட, டெஸ்ட் கிரிக்கெட்டில் அதிக கேட்ச்கள் பிடித்த வீரர்கள் பட்டியலில் தனி நபராக முதலிடத்தை முழுமையாகக் கைப்பற்றுவார்.ஃபீல்டிங்கில் உலக சாதனை படைத்தது மட்டுமின்றி, டெஸ்ட் கிரிக்கெட்டில் 11000 ரன்களைக் கடந்த மூன்றாவது ஆஸ்திரேலிய வீரர் என்ற பெருமையைப் பெறவும் ஸ்மித்திற்கு நல்ல வாய்ப்பு உள்ளது.

Also Read

சுதந்திர தினம் அன்று இந்திய கிரிக்கெட் அணி விளையாடிய போட்டிகளின் முடிவு என்ன?

தற்போது வரை ஸ்மித் டெஸ்டில் 10834 ரன்கள் எடுத்துள்ளார். இந்த கிளப்பில் இணைய அவர் இரண்டாவது இன்னிங்ஸில் இன்னும் 166 ரன்கள் எடுக்க வேண்டும். அதே சமயம், அவர் இரண்டாவது இன்னிங்ஸில் 94 ரன்கள் எடுத்தால், ஸ்டீவ் வாக்கின் 10927 ரன்கள் சாதனையை முறியடித்து, டெஸ்ட் கிரிக்கெட்டில் ஆஸ்திரேலியாவின் மூன்றாவது அதிக ரன் குவித்த வீரர் என்ற பெருமையைப் பெறுவார்.