டெஸ்ட் வரலாற்றில் முதல் முறை.. வங்கதேசத்திடம் அதிர்ச்சி தோல்வியடைந்த ஆஸ்திரேலியா

ஆஸி. குறைந்த ரன்கள்

இதனை தொடர்ந்து களமிறங்கிய ஆஸ்திரேலியா முதலிலேயே தடுமாறியது. முதல் நாள் ஆட்ட நேர முடிவில் 3 விக்கெட்களை இழந்து 18 ரன்களை எடுத்து இருந்தது. இன்று 2வது நாள் ஆட்டத்தை தொடர்ந்த ஆஸ்திரேலியா அணி 74.5 ஓவர்களில் அனைத்து விக்கெட்களையும் இழந்து 217 ரன்களை மட்டுமே எடுத்தது.

அரை சதமே இல்லை

ஆஸ்திரேலியா அணி சார்பில் மாட் ரென்ஷா அதிகபட்சமாக 45 ரன்களையும், ஆஷ்டன் அகர் 41 ரங்களையும் எடுத்தனர். வங்கதேச அணி சார்பில் ஷகிப் அல் ஹசன் 5 விக்கெட்களை வீழ்த்தி அசத்தினார். மெஹீடி ஹசன் 3விக்கெட்களை வீழ்த்தினார். இதனால் 43 ரன்கள் முன்னிலை பெற்று அசத்தியது வங்கதேசம்.

தமிம் இக்பால் அதிரடி

இரண்டாவது இன்னிசை தொடங்கிய வங்கதேச அணி 221 ரன்களுக்கு ஆல்அவுட்டானது. தமிம் இக்பால் அதிகபட்சமாக 78 ரன்களை குவித்தார். எனவே ஆஸ்திரேலியாவுக்கு 265 ரன்கள் இலக்காக நிர்ணயிக்கப்பட்டது. இதுவரை ஆஸி.யை டெஸ்ட் போட்டியில் வங்கதேசம் வீழ்த்தியதேயில்லை. இந்த கவுரவத்தை தக்க வைத்துக்கொள்ள கடுமையாக போராடினார் டேவிட் வார்னர். ஆனால் மற்ற வீரர்கள் கைகொடுக்கவில்லை.

அதிர்ச்சி தோல்வி

வார்னர் 112 ரன்களை குவித்து அவுட்டான நிலையில், 244 ரன்களுக்கு ஆல்அவுட்டாகி, 20 ரன்கள் வித்தியாசத்தில் ஆஸ்ஸதிரேலியா தோற்றுள்ளது. சுழற்பந்து வீச்சாளர் ஷகிப் அல்ஹசன்தான் போட்டியை திசை திருப்பினார். முதல் இன்னிங்சை போலவே 2வது இன்னிங்சிலும் அவர் 5 விக்கெட்டுகளை வீழ்த்தியது வங்கதேச வெற்றிக்கு முக்கிய காரணமாக அமைந்தது.