அஜித் அகர்கர் பணிக்காலம் முடிந்தது.. நியூசி. தொடருக்கான இந்திய அணியை தேர்வு செய்யும் EX. வீரர்

மும்பை: பிசிசிஐ தேர்வுக்குழுவின் தலைவராக இருந்த அஜித் அகர்கரின் பதவிக்காலம் அக்டோபர் 4-ஆம் தேதியுடன் அதிகாரப்பூர்வமாக முடிவடைந்தது. அவரது இடத்திற்கு புதிய தலைவரை பிசிசிஐ இன்னும் அறிவிக்கவில்லை. இந்த நிலையில், நியூசிலாந்துக்கு எதிரான தொடருக்கான இந்திய அணியைத் தேர்வு செய்வதற்கான ஆலோசனைக் கூட்டம் இந்த வாரம் நடைபெறவுள்ளது.

அகர்கரின் வெளியேற்றத்தைத் தொடர்ந்து, புதிய தேர்வுக்குழு தலைவர் நியமிக்கப்படும் வரை, முன்னாள் இந்திய சுழற்பந்து வீச்சாளர் பிரக்யான் ஓஜா இந்தத் தேர்வுக்குழு கூட்டத்திற்குத் தலைமை தாங்குவார் என்று தகவல்கள் வெளியாகியுள்ளன. தற்போது இந்தத் தேர்வுக்குழு நான்கு உறுப்பினர்களுடன் தற்காலிகமாகச் செயல்படவுள்ளது.

இந்திய அணி அக்டோபர் 22 முதல் நியூசிலாந்தில் சுற்றுப்பயணம் செய்து ஐந்து டி20, ஐந்து ஒருநாள் மற்றும் இரண்டு டெஸ்ட் போட்டிகள் கொண்ட தொடரில் விளையாட உள்ளது. இதற்கான இந்திய அணிகளைத் தேர்வு செய்ய தேர்வுக்குழு இந்த வாரம் கூடவுள்ளது. மூன்று வகை போட்டிகளுக்கும் முழு பலம் வாய்ந்த இந்திய அணி அறிவிக்கப்படும் என எதிர்பார்க்கப்படுகிறது.

IND vs WI: முதல் டி20யில் இந்திய அணி பிளேயிங் லெவன்.. 3 ஆல் ரவுண்டர்களை தேர்வு செய்த ஆகாஷ் சோப்ரா

அடுத்த ஆண்டு அக்டோபர் 2-ஆம் தேதி தொடங்கவுள்ள 2027 ஒருநாள் உலகக் கோப்பைப் போட்டிக்குத் தயாராகும் விதமாக இந்த ஐந்து போட்டிகள் கொண்ட ஒருநாள் தொடர் அமையவுள்ளது. வெஸ்ட் இண்டீஸ் அணிக்கு எதிரான ஒருநாள் தொடர் முடிவடைந்ததைத் தொடர்ந்து, இந்திய ஒருநாள் அணியின் கேப்டன் ஷுப்மன் கில், அடுத்த தொடரில் இருந்து முக்கிய வீரர்கள் அனைவரும் அணியில் இடம்பெற வேண்டும் என்று விருப்பம் தெரிவித்து இருந்தார்.

இதனால் நியூசிலாந்துக்கு எதிரான ஒருநாள் தொடரில் முன்னணி வீரர்கள் அனைவரும் களமிறங்குவார்கள் என்று எதிர்பார்க்கப்படுகிறது. உலக டெஸ்ட் சாம்பியன்ஷிப் 2027 இறுதிப்போட்டிக்குத் தகுதிபெறும் வாய்ப்பைத் தக்க வைத்துக் கொள்ள, நியூசிலாந்துக்கு எதிரான இரண்டு போட்டிகள் கொண்ட டெஸ்ட் தொடர் இந்தியாவிற்கு மிகவும் முக்கியமானது. எனவே, இந்தத் தொடரிலும் முழு பலம் வாய்ந்த அணியே களம் இறக்கப்பட உள்ளது.

இரானி கோப்பையில் சிறப்பான ஆட்டத்தை வெளிப்படுத்திய பெங்கால் வேகப்பந்து வீச்சாளர் முகேஷ் குமார் மீண்டும் டெஸ்ட் அணியில் இடம்பெற அதிக வாய்ப்புள்ளது. ஜம்மு காஷ்மீர் அணிக்கு எதிரான இரானி கோப்பை போட்டியின் இரண்டாவது இன்னிங்ஸில், முகேஷ் குமார் 6 விக்கெட்டுகளைக் கைப்பற்றி அசத்தினார்.

Also Read

IND vs NZ டெஸ்ட் தொடர்.. இந்திய அணியில் மிரட்டலான பந்துவீச்சு.. 3 ஸ்டார் வீரர்களுக்கு வாய்ப்பு

ரிஷப் பந்த் தலைமையிலான ரெஸ்ட் ஆஃப் இந்தியா அணி 167 ரன்கள் வித்தியாசத்தில் வெற்றி பெற இது முக்கிய காரணமாக அமைந்தது. முகேஷ் குமாருடன் சேர்ந்து மற்றொரு வேகப்பந்து வீச்சாளரான ஆகாஷ் தீப்பும் இந்த டெஸ்ட் தொடருக்கான அணியில் தேர்வு செய்யப்பட வாய்ப்புள்ளது.