இவ்வளவு பெரிய ரிஸ்க் எடுப்பதா??.. பிசிசிஐ எடுத்துவரும் கேப்டன்சி முடிவுகள்.. ரசிகர்கள் கொந்தளிப்பு!

இந்திய அணி தொடர்

இதன் பின்னர் நடைபெறவுள்ள டி20 மற்றும் ஒருநாள் கிரிக்கெட் தொடருக்கான கேப்டனாக மீண்டும் ரோகித் சர்மாவே கம்பேக் கொடுத்துள்ளார். இந்நிலையில் அடுத்ததாக வரக்கூடிய வெஸ்ட் இண்டீஸ் தொடருக்கான அணி அறிவிக்கப்பட்டுள்ளது. இதில் புதிதாக ஷிகர் தவானை கேப்டனாக பிசிசிஐ அறிவித்துள்ளது.

பிசிசிஐ-ன் முடிவு

2022ம் ஆண்டு இந்திய அணியை வழிநடத்தப்போகும் 8வது கேப்டன் ஷிகர் தவான் ஆகும். விராட் கோலி இருந்தவரை பெரும்பாலான போட்டிகளுக்கு அவர் மட்டுமே கேப்டனாக செயல்பட்ட சூழலில், ரோகித் கேப்டனான பிறகு தொடர்ச்சியாக ஓய்வு, காயம் என்ற காரணத்தால் கேப்டன்கள் மாறிக்கொண்டே இருக்கிறார்கள்.

கேப்டன்சி பட்டியல்

விராட் கோலி - தென்னாப்பிரிக்க டெஸ்ட்

கே.எல்.ராகுல் - தென்னாப்பிரிக்க ODI

ரோகித் சர்மா - இலங்கை & வெஸ்ட் இண்டீஸ்

ரிஷப் பண்ட் - தென்னாப்பிரிக்க டி20

ஹர்திக் பாண்ட்யா - அயர்லாந்து டி20

ஜஸ்பிரித் பும்ரா - இங்கிலாந்து டெஸ்ட்

தினேஷ் கார்த்திக் - இங்கிலாந்து 2 பயிற்சி டி20

ஷிகர் தவான் - வெஸ்ட் இண்டீஸ் ODI

எச்சரிக்கும் வல்லுநர்கள்

இந்தியாவின் 3 வடிவ அணிக்கும் நிரந்தர கேப்டனான ரோகித் சர்மாவுக்கு 35 வயதாகிவிட்டது. டி20 உலகக்கோப்பை தொடருக்கு பின்னர் வேறு ஒரு புதிய கேப்டன் நியமிக்கப்படுவார் எனத் தெரிகிறது. இப்படி இருக்கையில் கேப்டன்சிக்காக ஒருத்தரை நியமித்து வளர்த்து விடுவதை தவிர்த்து, புது புது கேப்டன்களை நியமிப்பது இந்திய அணிக்கு ஆபத்தாக அமையும் என வல்லுநர்கள் கூறியுள்ளனர்.