சலோ சலோ
பிராவோ சலோ சலோ என்ற ஒரு பாடல் அங்கிய இசை ஆல்பத்தை ஞாயிற்றுக்கிழமை சென்னையில் அறிமுகப்படுத்தினார். இந்த நிகழ்ச்சியில் கேப்டன் டோணியின் மனைவி சாக்ஷி, மகள் ஜிவா உள்ளிட்டோர் கலந்து கொண்டனர்.
ஷெர்வானி
நிகழ்ச்சிக்கு ஷெர்வானி அணிந்து வந்த பிராவோ மேடையில் தனது பாடலை பாடி ஆடினார். விரைவில் சலோ சலோ வீடியோவை வெளியிடப் போவதாக அவர் தெரிவித்தார்.
டோணி
பிராவோவின் சலோ சலோ வீடியோவுக்காக கிரிக்கெட் வீரர்கள் விராட் கோஹ்லி, டாரன் சாமி, பிரன்டென் மெக்கல்லம், கியரன் போலார்டு, ஆன்ட்ரே ரஸ்ஸல் ஆகியோர் ஏற்கனவே நடனமாடியுள்ளனர். சிஎஸ்கே கேப்டன் டோணியும், ரவீந்திர ஜடேஜாவும் தான் டான்ஸ் ஆட வேண்டியுள்ளது.
நடிப்பு
கிரிக்கெட் தவிர படங்களில் நடிப்பதிலும் பிராவோ ஆர்வமாக உள்ளார். அவர் ஏற்கனவே உலா என்ற படத்தில் நடித்துள்ளார். மேலும் வாய்ப்புகள் கிடைத்தால் தான் நடிக்கத் தயார் என்று அவர் தெரிவித்துள்ளார்.
லுங்கி டான்ஸ்
ரிங்கா ரிங்கா மற்றும் லுங்கி டான்ஸ் ஆகியவை தனக்கு பிடித்த பாடல்கள் என்று கூறியுள்ளார் பிராவோ. அவர் சென்னையில் பிராவோ நடனப் பள்ளி துவங்கவும் திட்டமிட்டுள்ளார்.