எவரெஸ்ட்ல ஏறின மாதிரி என்ன கொண்டாட்டம்.. கிளப் மேட்சில் சதம் அடித்த வார்னர் அட்டகாசம்

சதம் அடித்த வார்னர்

டேவிட் வார்னர் ராண்ட்விக் பீட்டர்ஷாம் கிளப் அணிக்காக ஆடி வருகிறார். நேற்று நடைபெற்ற போட்டியில் சதம் அடித்த அவர், அணியின் வெற்றிக்கும் காரணமாக இருந்தார்.

ஓவர் கொண்டாட்டம்

சதம் அடித்த வார்னர் அதை பெரிய சாதனை போல கொண்டாடினார். சிலர் இதை சாதாரணமாக எடுத்துக் கொண்டாலும், சிலர் இதை வைத்து கேலி செய்து வருகிறார்கள்.

கிளப் அணிக்கே இப்படியா?

சர்வதேச போட்டிகளில் ஆடியுள்ள அனுபவ வீரரான டேவிட் வார்னர், ஒரு கிளப் போட்டியில் அடித்த சதத்துக்கு இவ்வளவு பெரிய ஆர்ப்பாட்டமா? என்பதே கேலி செய்பவர்களின் வாதமாக உள்ளது.

கலாய்த்த மெக்கலம்

நியூசிலாந்து அணியின் முன்னாள் வீரர் மெக்கலம், ட்விட்டரில் வார்னரை கலாய்த்துள்ளார். "இந்த கொண்டாட்டம் எவெரெஸ்ட் சிகரத்தின் மீது ஏறிய பின் சர் எட்மன்ட் ஹில்லாரியின் செய்த கொண்டாட்டத்திற்கு இணையாக உள்ளது" என கேலி செய்துள்ளார்.