28 பந்துகள் இடைவெளியில் 6 விக்கெட்.. சீனியர்களுக்கு சவால்விடும் பிரஷித் கிருஷ்ணா

18 விக்கெட்டுகள்

பிரசித் கிருஷ்ணா கடைசியாக விளையாடிய 4 சர்வதேச ஒருநாள் போட்டியில் 12 விக்கெட்டுகளையும், மொத்தமாக 7 ஒருநாள் போட்டியில் 18 விக்கெட்டுகளையும் வீழ்த்தி அசத்தியுள்ளார். குறிப்பாக வெஸ்ட் இண்டீஸ் அணிக்கு எதிரான 2வது ஒருநாள் போட்டியில் 9 ஓவர் வீசி 12 ரன்கள் மட்டுமே விட்டு கொடுத்து 4 விக்கெட்களை வீழ்த்தியுள்ளார்.

அபார பந்துவீச்சு

தற்போது ரஞ்சி கோப்பையில் விளையாடி வரும் பிரஷித் கிருஷ்ணா அபாரமாக பந்துவீசி வருகிறார். குறிப்பாக தற்போது காஷ்மீர் அணிக்கு எதிராக பிரஷித் கிருஷ்ணா பந்துவீசி வருகிறார். அவரது வேகத்தை எதிர்கொள்ள முடியாமல் காஷ்மீர் வீரர்கள் அடுத்தடுத்து ஆட்டமிழந்தனர்.

6 விக்கெட்

28 பந்துகள் இடைவெளியில் பிரஷித் கிருஷ்ணா 6 விக்கெட்டுகளை வீழ்த்தியுள்ளார். பிரஷித் கிருஷ்ணா ஒருநாள் போட்டியில் பந்தை நன்றாக பவுன்ஸ் செய்து ஸ்விங் செய்வதால், அவருக்கு டெஸ்ட் போட்டியில் விரைவில் வாய்ப்பளிக்க வேண்டும் என்று சுனில் கவாஸ்கர் வலியுறுத்தி இருந்தார்.

சீனியருக்கு நெருக்கடி

அதற்கு ஏற்றார் போல், பிரஷித் கிருஷ்ணா ரஞ்சி கோப்பையிலும் அபாரமாக விளையாடுகிறார். இதனால் அவர் விரைவில் டெஸ்ட் அணியில் இடம் பெறலாம் என எதிர்பார்க்கப்படுகிறது. இதனால் இஷாந்த் சர்மா போன்ற சீனியர் வீரர்களின் இடம் கேள்விக்குறியாகி உள்ளது.