நடுவரிசையில் இமயமலை போல் நிற்கும் ராகுல்.. யாருமே கவனிக்காத ஒருநாள் ரெக்கார்ட்.. விவரம் இதோ

நியூசிக்கு எதிராக ராகுல்

தொடக்க வீரராக ராகுல் சொதப்பினாலும், நடுவரிசையில் மைக்கேல் பெவன், ஹஸி போல் சிறப்பாக ஆடி வருகிறார். நம்பர் 5வது வீரராக கடைசி 15 இன்னிங்சில் மட்டும் ராகுல் எவ்வளவு முக்கியமான இன்னிங்சை ஆடி இருக்கிறார் என்று தற்போது பார்க்கலாம். நியூசிலாந்து மண்ணில் இந்திய அணி 156 ரன்களுக்கு 3 விக்கெட் இழந்து தடுமாறியது.

அபார ஆட்டம்

அப்போது களத்திற்கு வந்த ராகுல் 64 பந்துகளில் 88 ரன்கள் அடித்தார். இதன் மூலம் இந்திய அணி 347 ரன்களுக்கு 4 விக்கெட்டுகள் என்ற ஸ்கோரை எட்டியது. இதே போன்று நியூசிலாந்தில் இந்திய அணி 62 ரன்களுக்கு 3 விக்கெட் எடுத்து தடுமாறியது,அப்போது 113 பந்துவீச்சில் 112 ரன்களை ராகுல் விளாச இந்திய அணி 7 விக்கெட் இழப்பிற்கு 296 ரன்கள் என்ற ஸ்கோரை எட்டியது.

சேஸிங்கில் ராகுல்

வங்கதேசத்துக்கு எதிராக இந்திய அணி 49 ரன்களுக்கு 3 விக்கெட்டுகளை இழந்து தடுமாறியது. அப்போது களமிறங்கிய ராகுல் 70 பந்தில் 73 ரன்கள் எடுக்க இந்திய அணி 186 ரன்கள் என்ற ஸ்கோரை எட்டியது. இதே போன்று இலங்கைக்கு எதிராக 219 ரன்கள் என்ற இலக்கை இந்திய அணி துரத்திய போது 86 ரன்களுக்கு 4 விக்கெட்டுகளை இழந்து தடுமாறியது.

5வது வரிசையில் அபாரம்

அப்போது களத்திற்கு வந்த ராகுல் 103 பந்தில் 64 ரன்கள் எடுத்து இந்திய அணியின் வெற்றியை உறுதி செய்தார். இதே போன்று நேற்று ஆஸ்திரேலியாவுக்கு எதிராக 189 ரன்கள் என்ற இலக்கை துரத்திய போது இந்தியா 39 ரன்களுக்கு 4 விக்கெட்டுகளை இழந்த போது ராகுல் 75 ரன்கள் விளாசி வெற்றியை தேடி தந்தார். 17வது இன்னிங்சில் 5வது இடத்தில் விளையாடிய ராகுல் 733 ரன்கள் எடுத்துள்ளார்.