பந்தை ஓங்கி அடித்த பும்ரா.. தலையில் பட்டு கலங்கி விழுந்த இளம் வீரர்.. களத்தில் நடந்த ஷாக் சம்பவம்!

மோசம்

இன்று களமிறங்கிய பேட்ஸ்மேன்கள் எல்லோரும் மோசமாக ஆடி அடுத்தடுத்து அவுட் ஆனார்கள். அதிகம் எதிர்பார்க்கப்பட்ட பண்ட், மயங்க் அகர்வால் ஆகியோரும் அடுத்தடுத்து அவுட்டாகி வெளியேறினார்கள். இன்று பும்ரா மட்டுமே அதிரடியாக ஆடி 55 ரன்கள் எடுத்தார்.

அதிரடி

இந்த நிலையில் ஆஸ்திரேலிய அணியை சேர்ந்த இளம் வீரர் கேமரூன் கிரீன் இன்று பும்ரா வீசிய பந்தில் தலை கலங்கி விழுந்த சம்பவம் பெரிய பரபரப்பை ஏற்படுத்தி உள்ளது. பும்ரா 40 ரன்கள் எடுத்து அதிரடியாக ஆடிக்கொண்டு இருந்தார். அப்போது கேமரூன் கிரீன் பவுலிங் செய்தார்.

கேமரூன் கிரீன்

இந்த பந்தை பும்ரா வேகமாக மிட் ஆன் திசை நோக்கி அடிக்க முயன்றார். ஆனால் அது நேராக பவுலரை நோக்கி சென்றது. பவுலிங் செய்த கேமரூன் கிரீன் மீது வேகமாக சென்று தலையில் பந்து பட்டது. பல கிலோ மீட்டர் வேகத்தில் வந்த பந்து வேகமாக சென்று கேமரூன் கிரீன் தலையில் அடித்தது. இதில் கேமரூன் கிரீன் கலங்கி விழுந்து துடித்து போனார்.

கலக்கம்

இதனால் கேமரூன் கிரீன் கலங்கி கீழே விழுந்து துடித்து போனார். இதையடுத்து ஆட்டத்தின் இரண்டாவது பாதியில் கேமரூன் கிரீன் பாதியில் வெளியேறினார். இந்த தொடரில் மீதம் உள்ள பயிற்சி ஆட்டத்தில் இருந்தும் இவர் வெளியேறி உள்ளார். இவருக்கு பதிலாக பாட்ரிக் ராவ் மாற்று வீரராக அறிவிக்கப்பட்டுள்ளார். வலியில் கஷ்டப்பட்டபடி இவர் களத்தில் இருந்து வெளியேறியது பலருக்கும் அதிர்ச்சி அளித்தது.