வெஸ்ட் இண்டீஸ் - இலங்கை போட்டி
1996இல் இலங்கையின் கொழும்பு நகரில் நடந்த குண்டு வெடிப்புக்கு எதிர்ப்பு தெரிவித்து வெஸ்ட் இண்டீஸ் அணி இலங்கை செல்லவில்லை. வெஸ்ட் இண்டீஸ் போட்டியில் பங்கேற்காததால், இலங்கை அணி இரண்டு புள்ளிகள் பெற்றது. அந்த உலகக்கோப்பை இந்தியா, இலங்கை மற்றும் பாகிஸ்தானில் நடைபெற்றது.
ஆஸ்திரேலியா - இலங்கை போட்டி
ஆஸ்திரேலிய அணியும் 1996இல் இலங்கை அணிக்கு எதிரான போட்டியில் ஆடவில்லை. ஆஸ்திரேலிய அணியும் பாதுகாப்பு காரணங்களுக்காக இலங்கை செல்லாமல், தங்கள் இரண்டு புள்ளிகளை விட்டுக் கொடுத்து விட்டது.
இங்கிலாந்து - ஜிம்பாப்வே போட்டி
2003 உலகக்கோப்பையில் இங்கிலாந்து அணி ஜிம்பாப்வே நாட்டில் இருந்த அரசியல் குழப்பம் மற்றும் மிரட்டல்களை அடுத்து ஜிம்பாப்வே நாட்டுக்கு செல்லவில்லை. இதனால், இங்கிலாந்து அணி அந்த தொடரில் நாக் அவுட் சுற்றுக்கு வேண்டிய புள்ளிகள் பெற முடியாமல் வெளியேறியது. ஆனால், ஜிம்பாப்வே அணி சூப்பர் சிக்ஸ் சுற்றுக்கு சென்றது.
நியூசிலாந்து - கென்யா போட்டி
அதே 2003ஆம் ஆண்டு நியூசிலாந்து அணி, கென்யாவிற்கு எதிரான போட்டியை ஆடவில்லை. அதற்கு காரணம் நைரோபியில் நடைபெற இருந்த போட்டிக்கு தீவிரவாத அச்சுறுத்தல் இருப்பதே காரணம் என கூறப்பட்டது.
இந்தியாவும் போட்டியை கை விடுமா?
இந்தியாவும் இந்த வரிசையில் பாகிஸ்தான் அணிக்கு எதிரான போட்டியை கைவிடலாம். ஆனால், அரையிறுதி அல்லது இறுதிப் போட்டியில் பாகிஸ்தானை சந்திக்க நேர்ந்தால் இந்தியா என்ன செய்யும்?