அப்பாடா.. 5வது டெஸ்ட் போட்டியில் முதல் வெற்றியை ருசித்த 'கேப்டன்' கோஹ்லி!

வங்கதேசத்துடன் டிரா

கோஹ்லி கேப்டனான பிறகு, முதல் முறையாக இந்தியா வங்கதேசத்தில் ஒரு டெஸ்ட் போட்டி கொண்ட தொடரில் ஆடியது. மழையால் அந்த டெஸ்ட் போட்டி டிரா ஆனது. இப்போட்டி பதுல்லாவில் இவ்வாண்டு ஜூன் மாதம் நடைபெற்றது.

முதல் போட்டியில் தோல்வி

இலங்கையில் தற்போது இந்தியா சுற்றுப்பயணம் செய்துவரும் நிலையில் முதல் டெஸ்டில் இலங்கை வென்றது. இன்றுடன் நிறைவடைந்த 2வது டெஸ்ட் போட்டியில் இந்தியா 278 ரன்கள் வித்தியாசத்தில் இமாலய வெற்றி பெற்றுள்ளது.

தற்காலிக கேப்டன்

டோணி விளையாடாத நேரங்களிலும் கோஹ்லி தற்காலிக கேப்டனாக பணியாற்றியுள்ளார். 2014 டிசம்பரில் அடிலெய்டில் நடந்த ஆஸ்திரேலியாவுக்கு எதிரான டெஸ்டை இந்தியா 48 ரன்கள் வித்தியாசத்தில் இழந்தது. அப்போது கோஹ்லி கேப்டனாக செயல்பட்டார்.

5வது போட்டியில் வெற்றி

2015, ஜனவரி மாதம் சிட்னியில் நடைபெற்ற ஆஸ்திரேலியாவுக்கு எதிரான, டெஸ்ட் போட்டி டிரா ஆனது. தற்காலிக கேப்டனாக 2 டெஸ்ட், நிரந்தர கேப்டனாக இரு டெஸ்ட் என 4 டெஸ்ட் போட்டிகளிலும் வெற்றியை ருசிக்காத கோஹ்லி, இன்றைய டெஸ்ட் வெற்றியின்மூலம், முதல் வெற்றியை ருசித்துள்ளார்.