CCL 2026: அரையிறுதி அட்டவணை நேரம் தேதி விவரம்.. சாண்டல்வுட் உடன் மோதும் கோலிவுட்.. எதில் பார்ப்பது?

கோவை: செலபிரிட்டி கிரிக்கெட் லீக் எனப்படும் CCL 2026 சீசனின் குரூப் சுற்றுப் போட்டிகள் வெற்றிகரமாக நிறைவடைந்துள்ளன. ஆறு நாட்கள் கிரிக்கெட் போட்டிக்குப் பிறகு, முதல் நான்கு அணிகள் நாக் அவுட் சுற்றுக்குத் தகுதி பெற்றுள்ளன. வரும் வார இறுதியில் சாம்பியன் பட்டத்திற்காக இந்த அணிகள் களமிறங்க உள்ளன.

விசாகப்பட்டினம் மற்றும் கோயம்புத்தூரில் நடைபெற்ற குரூப் சுற்றுகளில், பெங்கால் டைகர்ஸ் மற்றும் கர்நாடகா புல்டோசர்ஸ் அணிகள் அனைத்துப் போட்டிகளிலும் வெற்றி பெற்று ஆதிக்கம் செலுத்தின. கேரளா ஸ்ட்ரைக்கர்ஸ் அணி தான் விளையாடிய மூன்று போட்டிகளில் இரண்டில் வெற்றி பெற்று அரையிறுதிக்கு முன்னேறியது.

நடப்பு சாம்பியன் பஞ்சாப் தே ஷெர், தெலுங்கு வாரியர்ஸ் மற்றும் போஜ்புரி தபாங் போன்ற அணிகள் தலா ஒரு வெற்றியுடன் வெளியேறின. வெல்ஸ் சென்னை கிங்ஸ், ஒரு வெற்றி பெற்றாலும், சிறந்த நெட் ரன் ரேட்டின் அடிப்படையில் அரையிறுதிக்குத் தகுதி பெற்றது. பாலிவுட்டின் மும்பை ஹீரோஸ் அணி அனைத்துப் போட்டிகளிலும் தோல்வியடைந்து வெளியேற்றப்பட்டது.

அரையிறுதிக்குத் தகுதி பெற்ற அணிகளின் வரிசை: கர்நாடகா புல்டோசர்ஸ் (முதலிடம்), பெங்கால் டைகர்ஸ் (இரண்டாமிடம்), கேரளா ஸ்ட்ரைக்கர்ஸ் (மூன்றாமிடம்), வெல்ஸ் சென்னை கிங்ஸ் (நான்காமிடம்). நாக் அவுட் சுற்றுகள் அரையிறுதி மற்றும் இறுதிப் போட்டியாக நடைபெறும். முதல் இடம் பிடித்த அணி நான்காவது இடத்துடனும், இரண்டாம் இடம் பிடித்த அணி மூன்றாவது இடம் பிடித்த அணியுடன் மோதும்.

நாக் அவுட் சுற்றுகள் அனைத்தும் கோவையில் நடைபெறவுள்ளன. ஜனவரி 31 அன்று 2வது அரையிறுதிப் போட்டியில், கர்நாடகா புல்டோசர்ஸ் மாலை 6.30 மணிக்கு வெல்ஸ் சென்னை கிங்ஸை எதிர்கொள்கிறது. முன்னதாக மதியம் 2 மணிக்கு நடைபெறும் முதல் அரையிறுதிப் போட்டியில் பெங்கால் டைகர்ஸ் மற்றும் கேரளா ஸ்ட்ரைக்கர்ஸ் அணிகள் மோதுகின்றன. இறுதிப் போட்டி பிப்ரவரி 1ஆம் தேதி, மாலை 6:30 மணிக்கு கோவையில் நடைபெறும். இந்தப் போட்டிகள் அனைத்தும் ஜியோ ஹாட் ஸ்டாரில் இலவசமாக பார்க்கலாம்.