சிஎஸ்கே- வின் அடுத்த பயிற்சியாளர் யார்? 3 முன்னாள் வெளிநாட்டு வீரர்களிடையே கடும் போட்டி

சென்னை: ஐபிஎல் தொடரில் 2009 முதல் 2026 வரை சென்னை சூப்பர் கிங்ஸ் அணியின் தலைமைப் பயிற்சியாளராக பணியாற்றிய நியூசிலாந்து அணியின் முன்னாள் கேப்டன் ஸ்டீபன் பிளெமிங், கடந்த ஜூலை 12 அன்று தனது பதவியிலிருந்து விலகினார். அதன் பின்னர், இங்கிலாந்து ஆடவர் டெஸ்ட் அணியின் தலைமைப் பயிற்சியாளராக அவர் பொறுப்பேற்றுக்கொண்டார்.

இதனைத் தொடர்ந்து, சென்னை சூப்பர் கிங்ஸ் அணி தனது புதிய தலைமை பயிற்சியாளரைத் தேடும் பணியில் தீவிரமாக ஈடுபட்டுள்ளது. சிஎஸ்கே சிஇஓ காசி விஸ்வநாதன் அளித்த பேட்டியில் பிளெமிங்கிற்குப் பதிலாக ஒரு வெளிநாட்டு நிபுணரைத் தலைமைப் பயிற்சியாளராக நியமிக்க நிர்வாகம் திட்டமிட்டு வருகிறது. இதற்கான பந்தயத்தில் முன்னணியில் இருக்கும் மூன்று முக்கிய வெளிநாட்டு வீரர்கள் குறித்து இங்கு காண்போம்.

1. பிரெண்டன் மெக்கல்லம்

இங்கிலாந்து அணியின் வெள்ளை-பந்து கிரிக்கெட்டுக்கான தலைமைப் பயிற்சியாளரான பிரெண்டன் மெக்கல்லம், 2027 ஐபிஎல் சீசனில் சிஎஸ்கே அணியின் தலைமைப் பயிற்சியாளராக ஸ்டீபன் பிளெமிங்கிற்குப் பதிலாக நியமிக்கப்பட வாய்ப்புள்ளதாகத் தகவல்கள் தெரிவிக்கின்றன. இவர் சிஎஸ்கே அணிக்காக 2014-15 காலகட்டத்தில் இரண்டு சீசன்களில் மொத்தம் 28 போட்டிகளில் விளையாடி 841 ரன்கள் குவித்துள்ளார். மேலும், 2022-ல் இங்கிலாந்து டெஸ்ட் அணியின் பயிற்சியாளராகப் பொறுப்பேற்பதற்கு முன்பு, ஐபிஎல் தொடரில் கொல்கத்தா நைட் ரைடர்ஸ் அணியின் தலைமைப் பயிற்சியாளராகவும் இவர் பணியாற்றியுள்ளார் என்பது குறிப்பிடத்தக்கது.

IND vs SL: இந்த வீரருக்கு கேப்டன்ஷி பதவி மட்டும் தராதீங்க.. பிசிசிஐக்கு வசீம் ஜாபர் கோரிக்கை

2. மைக்கேல் ஹசி

ஆஸ்திரேலியா மற்றும் சிஎஸ்கே அணியின் முன்னாள் நட்சத்திர பேட்டரான மைக்கேல் ஹசி, சிஎஸ்கே தலைமைப் பயிற்சியாளர் பதவிக்கான போட்டியில் இருக்கும் மற்றொரு தகுதியான வெளிநாட்டு நிபுணர் ஆவார். இவர் கடந்த 2018 ஆம் ஆண்டு முதல் சிஎஸ்கே அணியின் பேட்டிங் பயிற்சியாளராகப் பணியாற்றி வருகிறார். அணியின் கட்டமைப்பு மற்றும் வீரர்களைப் பற்றி மிக நன்றாக அறிந்தவர் என்பதால், ஸ்டீபன் பிளெமிங்கிற்குப் பதிலாக இந்த இடத்திற்குத் தேர்வு செய்யப்பட அதிக வாய்ப்புள்ள நபராக ஹசி கருதப்படுகிறார்.

Also Read

என் வாழ்க்கையை மாற்றிய இன்னிங்ஸ்.. சிஎஸ்கே அணிக்காக முதலில் நான் விளையாடுவதாகவே இல்லை-ரஹானே

3. ஆல்பி மோர்கல்

சிஎஸ்கே அணியின் முன்னாள் ஆல்-ரவுண்டரான தென்னாப்பிரிக்காவின் ஆல்பி மோர்கலும் இந்தத் தலைமைப் பயிற்சியாளர் பதவிக்கான பட்டியலில் பரிசீலனையில் உள்ளார். சிஎஸ்கே அணிக்காக ஐபிஎல் தொடரில் சிறப்பான பங்களிப்பை வழங்கிய இவர், சமீபத்தில் சிஎஸ்கே அணியின் துணை உரிமையாளரான ஜோகன்னஸ்பர்க் சூப்பர் கிங்ஸ் அணியின் தலைமைப் பயிற்சியாளராக நியமிக்கப்பட்டார். இதனால் சிஎஸ்கே அணியின் தலைமைப் பயிற்சியாளர் பொறுப்பை ஏற்கும் தகுதியுடைய வேட்பாளராக இவரும் பார்க்கப்படுகிறார்.