டெஸ்ட் மேட்சுல கட்டை போடவும் தெரியும்.. டி20யில் தெறிக்கவிடவும் தெரியும்.. புஜாராவின் விஸ்வரூபம்!

61 பந்துகளில் சதம்

இந்நிலையில், உள்ளூர் டி20 தொடரில் சௌராஷ்டிரா அணிக்காக ஆடி வரும் புஜாரா, இரயில்வேஸ் அணிக்கு எதிரான போட்டியில் 61 பந்துகளில் 100 ரன்கள் அடித்தார். இதன் மூலம் தன்னால் டி20 போட்டியிலும் அதிரடியாக ஆட முடியும் என நிரூபித்தார் புஜாரா.

பவுண்டரி மழை

இதுவரை டி20யில் ஆறு அரைசதங்கள் அடித்துள்ள புஜாரா, முதல் முறையாக சதம் அடித்தார். அவர் அடித்த சதத்தில் 14 ஃபோர்கள், 1 சிக்ஸர் அடங்கும். சௌராஷ்டிரா அணி புஜாராவின் சதத்தின் உதவியுடன் 188 ரன்கள் குவித்தது.

வெற்றி யாருக்கு?

எனினும், அடுத்து ஆடிய இரயில்வேஸ் அணி 19.4 ஓவர்களில் வெற்றி இலக்கை எட்டி அதிர்ச்சி அளித்தது. எனினும், இந்த போட்டியில் அடித்த சதம் மூலம் புஜாரா தான் டெஸ்ட் வீரர் மட்டுமல்ல என அழுத்தமாக நிரூபித்துள்ளார்.

ஏலம் போகவில்லை

குறிப்பாக, டிசம்பர் மாதம் நடந்த ஐபிஎல் ஏலத்தில் ஒரு அணி கூட புஜாராவை ஏலம் எடுக்க முன் வரவில்லை. கடந்த வருடங்களிலும் பல முறை புஜாரா ஏலம் போகாத நிலை இருந்தது.

நினைவில் இருக்குமா?

தற்போது சதம் அடித்துள்ள புஜாரா இந்திய ஒருநாள் அணியின் கதவுகளை தட்டியுள்ளார். ஆனால், உலகக்கோப்பை முடியும் வரை இந்திய அணியில் புஜாராவை கண்டு கொள்ள மாட்டார்கள் என்பதே உண்மை. அதுவரை, புஜாரா டி20யில் அடித்த சதம் நினைவில் இருக்குமா?