சீனத்து ஹீ ஷீ
சீனாவைச் சேர்ந்த நீச்சல் (டைவிங்) வீராங்கனை ஹீ ஷீ. இவர் ஒலிம்பிக் போட்டியில் டைவிங் பிரிவில் கலந்து கொண்டு வெள்ளிப் பதக்கம் பெற்றார்.
குவின் காய்
போட்டி முடிந்ததும் பதக்கம் தரும் நிகழ்ச்சி நடைபெற்றது. பதக்கங்களை வீராங்கனைகள் பெற்றுக் கொண்டனர். அப்போது ஹீயை நோக்கி அவரது கதாலர் குவின் காய் ஓடி வந்தார்.
|
கல்யாணம் பண்ணிக்கோயேன்
அவரும் நீச்சல் வீரர்தான். ஹீ முன்பு ஒரு காலால் முழங்காலிட்டு தனது காதலைச் சொல்லி தன்னைக் கல்யாணம் செய்து கொள்ளுமாறு கோரினார்.
வெட்கம் வந்துச்சு பாருங்க
அதைப் பார்த்ததும் ஹீயின் முகம் அப்படியே செக்கச் சிவந்து போனது. சிரித்தபடி காயின் காதலையும், கல்யாணக் கோரிக்கையையும் அவர் ஏற்றார்.
காதலருக்கு வெண்கலம்
கடந்த வாரம் நடந்த போட்டியில் காய் வெண்கலப் பதக்கம் பெற்றிருந்தார் என்பது குறிப்பிடத்தக்கது. இந்தக் காதல் ஜோடியின் கல்யாண புரபோசல் ஒலிம்பிக் விழாவை மேலும் கலகலப்பாக்கி விட்டது.
சேட்டைக்காரர்
இதுகுறித்து ஹீ கூறுகையில் மத்தியானத்துல இருந்தே இவர் ஒரு மாதிரியாகத்தான் இருந்தார். சிரித்தார், பாட்டுப் பாடினார். என்ன என்று கேட்டதற்குப் பதிலே சொல்லவில்லை. இப்போதுதான் எல்லாம் புரிந்தது என்று கூறிச் சிரித்தார் ஹீ.
6 வருடக் காதல்
காய்க்கு 30 வயதாகிறது. ஹீக்கு 25 வயதாகிறது. கடந்த 6 வருடமாக இருவரும் காதலித்து வருகின்றனராம். ஒலிம்பிக்கில் வைத்து தனது கல்யாணத் திட்டத்தைச் சொல்ல முடிவு செய்திருந்தாராம் காய்.