அதை இப்ப சொல்ல முடியாது..? யாருக்கு தெரியும் என்ன நடக்கும்னு..? முன்னாள் கேப்டனின் சஸ்பென்ஸ்

கை கொடுக்கும் அனுபவம்

2001ல் இங்கிலாந்து மைதானத்தில் தொடரை வென்றதால் அனுபவம் கை கொடும் என்று எண்ணி, ஸ்டீவ் வாக்கை ஆலோசகராக நியமித்துள்ளது ஆஸ்திரேலியா கிரிக்கெட் போர்டு. இந்நிலையில் இரு அணிகளுக்கும் சமமான வாய்ப்பு உள்ளது. இந்த அணிதான்வெல்லும் என்று கணிக்க முடியவில்லை என்று அவர் தெரிவித்துள்ளார்.

6 வாரம், 5 போட்டிகள்

இது குறித்து ஸ்டீவ் வாக் கூறுகையில், 6 வாரத்தில் ஐந்து போட்டிகள் கொண்ட இந்த டெஸ்ட் தொடரில் இரண்டு அணிகளின் வேகப்பந்து வீச்சாளர்களும் அசத்துவார்கள். தொடர் முழுவதும் அவர்கள் ஆதிக்கம் செலுத்துவார்கள்.

காயத்தால் பாதிப்பு

தற்போது இங்கிலாந்தின் ஜேம்ஸ் ஆண்டர்சன், ஆஸ்திரேலியாவின் மிட்செல் ஸ்டார்க் ஆகியோர் காயம் அடைந்திருப்பது இரு அணிகளுக்கும் கட்டாயம் பாதிப்பை ஏற்படுத்தும்.

தெரியவில்லை

உண்மையிலேயே நான் ஒரு பெட் கட்டும் மனநிலையில் இருப்பவராக இருந்தால் கூட, ஒரு அணிக்கு சாதகமாக கூற முடியாது. ஏனென்றால், யார் இதில் வெற்றி பெறப் போகிறார்கள் என்பதே தெரியவில்லை. இரு அணிகளும் சம பலத்தில் உள்ளது. ஆக மொத்தத்தில் இந்த முறை, மிக சிறந்த டெஸ்ட் தொடராக அமைய போகிறது என்றார்.