பக்கத்து வீட்டுக்காரனா இருந்து என்ன புண்ணியம்.. தெ.ஆப்பிரிக்காவைத் தாக்கும் ஜிம்பாப்வே பயிற்சியாளர்!

கண்டு கொள்ளாத தென் ஆப்பிரிக்கா

இதுகுறித்து டினி கூறுகையில், ஜிம்பாப்வே கிரிக்கெட் விவகாரம் குறித்து கண்டு கொள்வதில்லை தென் ஆப்பிரிக்கா. ஜிம்பாப்வேவுடன் விளையாடுவதைக் கூட தென் ஆப்பிரிக்கா விரும்புவதில்லை. இங்கு வரக் கூட விரும்புவதில்லை.

பக்கத்து நாடாக இருந்தபோதிலும்

பக்கத்து நாடுகள் என்ற போதிலும் கூட ஜிம்பாப்வே கிரிக்கெட் வளர்ச்சிக்கு உதவ தென் ஆப்பிரிக்கா முன்வருவதில்லை, விரும்புவதும் இல்லை. 2 ஆண்டுகளுக்கு முன்பு ஆஸ்திரேலியா, ஜிம்பாப்வே இடையிலான ஒரு நாள் தொடரை முத்தரப்பு தொடராக நடத்த இரு நாடுகளும் விரும்பியபோதிலும் தென் ஆப்பிரிக்க வர விருப்பம் தெரிவிக்காத காரணத்தால் அந்தத் தொடரை நடத்த முடியாத நிலை ஏற்பட்டது.

ஏன் இப்படி

ஏன் இப்படி ஜிம்பாப்வேவை தென் ஆப்பிரிக்கா ஒதுக்குகிறது என்று தெரியவில்லை. தென் ஆப்பிரிக்காதான், ஜிம்பாபாப்வேக்கு கை கொடுத்து தூக்கி விட வேண்டும். இந்த இரு நாடுகள் மட்டுமே இங்கு கிரிக்கெட் ஆடும் நாடுகளாகும் என்றார் டினி.

கருப்பர் என்று சொல்லாதீர்கள்

தென் ஆப்பிரிக்க அணியில் இடம் பெற்ற முதல் கருப்பர் இன வீரர் டினிதான். அதேபோல தென் ஆப்பிரிக்காவைச் சேர்ந்த முதல் கருப்பர் இன பயிற்சியாளரும் டினிதான். ஆனால் தன்னை இப்படி முத்திரை குத்துவதை விரும்பவில்லை என்று டினி கூறுகிறார்.