சென்னை : நியூஸிலாந்து அணியின் கேப்டனாக திகழ்ந்தவர் வால்டர் ஹாட்லீ ( Walter Hadlee ) என்பவர். 11 டெஸ்டுகள் விளையாடிய இவர் ஒரே ஒரு சதம் எடுத்துள்ளார். 8 டெஸ்ட் மேட்சுகளில் கேப்டனாக இருந்தவர். இவரது மூன்று மகன்கள் டெஸ்ட் கிரிக்கெட் ஆடியுள்ளார்கள்.

பிஜி ஹாட்லீ ( BG Hadlee )

டீ ஆர் ஹாட்லீ ( DR Hadlee)

ஆர் ஜே ஹாட்லீ ( RJ Hadlee )

வால்டர் ஹாட்லீ , தேர்ந்து எடுப்பவராக ( Selector ) மேனேஜர் , போர்டு மெம்பர் , நியூஸிலாந்து . கிரிக்கெட் கவுன்சிலின் சேர்மன் & ப்ரெசிடெண்ட் ஆகவும் திகழ்ந்தவர். முதல் டெஸ்ட் (1937 ) மற்றும் கடைசி டெஸ்ட் (1951 ) இங்கிலாந்து டீமுக்கு எதிராக விளையாடியவர். 1915 ல் பிறந்த இவர் 2006 ஆம் ஆண்டு ( 91 வயது ) மறைந்தார்.

இவரது மூத்த மகன் பெர்ரி ஜார்ஜ் ஹாட்லீ (Barry George Hadlee ) டெஸ்டுகள் விளையாட வில்லை. ஒரு நாள் பந்தயம் மற்றும் முதல் தர கிரிக்கெட் மேட்சுகள் விளையாடினார். இவர் விளையாடிய இரண்டு ஒரு நாள் மேட்சுகளில், இவரின் இரண்டு சகோதரர்களும் பங்கு கொண்டனர். டாய்லே ராபர்ட் ஹாட்லீ ( Dayle Robert Hadlee ) இவர் 26 டெஸ்டுகள் ( 71 விக்கெட்டுகள் ) மற்றும் 11 ஒரு நாள் பந்தயங்களில் ( 20 விக்கெட்டுகள் ) பங்கு கொண்டவர்.

ரிச்சர்ட் ஜான் ஹாட்லீ ( Richard John Hadlee )
இடது கை பேட்ஸ்மான் வலது கை வேக பந்துவீச்சாளர் - ஆல்ரவுண்டர். 86 டெஸ்டுகளில் 431 விக்கெட்டுகள் எடுத்தவர். 115 ஒரு நாள் பந்தயங்களில் 158 விக்கெட்டுகள் வீழ்த்தியவர்.
5 விக்கெட்டுகளுக்கு மேல் 36 முறையும், 10 விக்கெட்டுகளுக்கு மேல் 9 தடவையும் எடுத்தவர். 3124 டெஸ்ட் ரன்கள் குவித்தவர். இரண்டு சதங்கள். சர் ( SIR ) பட்டம் பெற்றவர். தேர்வு குழுவின் தலைவராக இருந்தவர். விளையாடிய கடைசி மேட்சில் , இவர் வீசிய கடைசி பந்தில் விக்கெட் வீழ்த்தி அசத்தியவர்.

நியூஸிலாந்தின் வால்டர் ஹாட்லீ போல் இந்திய அணியில் விளையாடிய தந்தை மகன்கள், அமர்நாத் குடும்பத்தினரை குறிப்பிடலாம். லாலா அமர்நாத்தும் ஒரே ஒரு சதம் பதிவு செய்துள்ளார். 118 ரன்கள். இவரது அறிமுக டெஸ்ட்டிலேயே சதம் அடித்த முதல் இந்திய வீரர் என்ற பெருமைக்கு உரியவர். 24 டெஸ்டுகளில் விளையாடி, 878 ரன்கள் குவித்தார். 45 விக்கெட்டுகள் எடுத்தவர். 1934 முதல் 1946 வரையில் இடைப்பட்ட 12 வருடங்கள் டெஸ்ட் போட்டிகளில் தேர்ந்து எடுக்கப்படவில்லை. 15 டெஸ்டுகளில் கேப்டனாக வழி நடத்தியவர்.

இவர் தலைமையில் முதல் முதலாக இந்திய கிரிக்கெட் அணி
ஆஸ்திரேலியாவிற்கு சுற்றுப்பயணம் மேற்கொண்டது. (1947-48).
1952ல் இந்திய மண்ணில், பாகிஸ்தான் அணிக்கு எதிராக முதல் தொடரை இவர் தலைமையில் வென்றது. 1933 ல் முதல் டெஸ்ட் இங்கிலாந்து அணிக்கு எதிராக அன்றைய பம்பாயில் விளையாடினார். 1952 ல் அன்றைய கல்கத்தாவில் கடைசி டெஸ்ட் ஆடினார். இவர் தேர்வு குழுவின் தலைவராகவும், காமெண்டரி கூறும் எக்ஸ்பர்ட் (Expert ) ஆகவும் இருந்தவர்.

1911 ல் பிறந்த இவர் 2000 ஆம் ஆண்டு மறைந்தார் ( 88 வது வயதில் ). இவரது இரண்டு மகன்கள் ஆகிய மொஹிந்தர் அமர்நாத் , சுரீந்தர் அமர்நாத் டெஸ்டுகளில் பங்கு கொண்டவர்கள். லாலா அமர்நாத் என்று அழைக்கப் படும் இவரது முழு பெயர் நானிக் அமர்நாத் பாராத்வாஜ் ( Nanik Amarnath Bharadwaj ).

மொஹிந்தர் அமர்நாத், 1983 ல் ஒரு நாள் பந்தயத்தில், இந்தியா உலக கோப்பை பெற்ற செமி பைனல் மற்றும் பைனல் மேட்சுகளில் ஆட்ட நாயகன் விருதுகளை பெற்றவர். 69 டெஸ்டுகள், ( 4378 ரன்கள் , 32 விக்கெட்டுகள் 47 கேட்சுகள்). 85 ஒரு நாள் பந்தயங்களில் (1924 ரன்கள், 46 விக்கெட்டுகள் )பங்கு கொண்டவர்.

1983 - 84 தொடரில் மேற்கு இந்திய தீவுகள் அணிக்கு எதிராக 6 இன்னிங்ஸ்களில் 5 பூஜியங்கள் ( 0 ரன் ) எடுத்தார். ஒரு இன்னிங்சில் 1 ரன் எடுத்தார். ஒரு டெஸ்டில் ( பெர்த் 1977 ) ஆஸ்திரேலிய அணிக்கு எதிராக முதல் இன்னிங்சில் 90 ரன்கள் இரண்டாவது இன்னிங்சில் 100 ரன்கள் குவித்தார். மேற்கு இந்திய தீவில் ஒரு டெஸ்டில் இந்திய அணி நான்காவது இன்னிங்சில் வெற்றி பெற 400 ரன்களுக்கு மேல் தேவை பட்ட பொழுது, முதல் விக்கெட் விழுந்ததும் களம் இறங்கிய மொஹிந்தர் அமர்நாத்தின் அதிரடி ஆட்டம் கொடுத்த 85 ரன்களும் பெரிதும் உதவின, இந்திய அணி வெற்றி பெற.

இந்த டெஸ்ட்டில் சுனில் கவாஸ்கர் மற்றும் ஜி ஆர் விஸ்வநாத் இருவரின் அபார ஆட்டங்களும் , அவர்கள் இருவரின் சதங்களும் முக்கிய காரணம் இந்திய அணியின் வெற்றிக்கு. (1976 போர்ட் ஆப் ஸ்பெயின் டெஸ்ட்) மொஹிந்தர் அமர்நாத் 11 சதங்கள் டெஸ்டுகளிலும் 2 ஒரு நாள் ஆட்டங்களிலும் எடுத்தவர். 1969 ல் சென்னையில் ( அன்றைய மெட்ராஸ் ) முதல் டெஸ்டை ஆஸ்தி ரேலிய அணிக்கு எதிராக துவக்கி, இறுதி
டெஸ்டையும் சென்னையில் முடிவு செய்தார். மேற்கு இந்திய தீவுகள் அணிக்கு எதிராக. (1988 ) இந்த டெஸ்டில் தான் லெக் ஸ்பின் பௌலர் நரேந்திர ஹிர்வாணி ( Narendra Hirwani ) அறிமுக படுத்தப் பட்டார். இந்திய அணி வெற்றிப் பெற்றது.


சுரீந்தர் அமர்நாத் விளையாடியது 10 டெஸ்ட் மேட்சுகளும், 3 ஒரு நாள் ஆட்டங்கள் மட்டுமே. இடது கையால் பேட்டிங் , வலது கையால் பவுலிங். இவர் தந்தை லாலா அமர்நாத்தைப் போல அறிமுக டெஸ்டில் சதம் எடுத்தார் சுரீந்தர். 1976 ல் நியூஸிலாந்து அணிக்கு எதிராக ஆக்லாண்ட் ( Auckland ) மைதானத்தில். 124 ரன்கள். இவரின் அறிமுக டெஸ்ட் 1976, நியூஸிலாந்தில். இறுதி டெஸ்ட் கராச்சியில் 1978 ல். இவர் டெஸ்டில் மொத்தம் 550 ரன்களும், ஒரு நாள் ஆட்டங்களில் மொத்தம் 100 ரன்களும் எடுத்தார்.

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

இந்த கிரிக்கெட் வீரர் ஜி ஆர் விஸ்வநாத் (G R Viswanath) இந்திய அணிக்காக 91 டெஸ்டுகள் ஆடியுள்ளார். அருமையாக லேட் கட் ( Late Cut ) ஆடி அசத்துவதில் சூரர். இவர் இரண்டு டெஸ்டுகளுக்கு கேப்டன் ஆக இருந்தவர். துவக்க டெஸ்டில் 0, 137 ரன்கள் குவித்தார்.

ஆஸ்திரேலிய அணிக்கு எதிராக கான்பூர் டெஸ்டில் 25 நவம்பர் 1969 மேட்ச் ட்ராவில் முடிவு பெற்றது. ஜி ஆர் விஸ்வநாத் அவருடைய துவக்க மேட்சில் இரண்டு இன்னிங்சிலும் பவுலிங் செய்தார். தலா ஒவ்வொரு ஓவர் மட்டும். அந்த ஓவர்களில்
எதிரணியினர் எடுத்தது தலா நான்கு ரன்கள். கடைசி டெஸ்டில் விளையாடவில்லை (பாகிஸ்தானுக்கு எதிராக கராச்சி டெஸ்டில் ஜனவரி 30, 1983) மேட்ச் ட்ராவில் முடிந்தது.

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°


எல் இ ஜி அமெஸ் ( LEG Ames ) என்ற இங்கிலாந்து விக்கெட் கீப்பர் ஒரு இன்னிங்சில் அதிகபட்ச பைஸ் ( byes ) விட்டு கொடுத்த ரிக்கார்டு வைத்துள்ளார். ஓவல் மைதானத்தில் 1934 ஆம் ஆண்டு ஆகஸ்ட் மாதத்தில் நடைப் பெற்ற ஆஸ்திரேலிய டீமிற்கு எதிராக. ஆஸ்திரேலிய அணி முதல் இன்னிங்ஸ் பேட்டிங் ஆடும் பொழுது 33 உபரி ரன்களில் ( Extras ) இந்த விக்கெட் கீப்பர் விட்டு கொடுத்த பைஸ் (byes ) 4 ரன்கள் மட்டுமே.

ஆனால் அவர்கள் இரண்டாவது இன்னிங்சில் மொத்தம் உபரி ரன்கள் 50. அதில் தான் அதிக பட்ச 37 பைஸ் கொடுத்து ரிக்கார்டு ஏற்படுத்தி உள்ளார். இந்த இன்னிங்சில் ஆஸ்திரேலியா டீமின் மொத்த ஸ்கோர் 327. ஆஸ்திரேலிய அணியின் முதல் இன்னிங்ஸ் ஸ்கோர் 701. அவர்கள் இங்கிலாந்து அணியை 562 ரன்கள் வித்தியாசத்தில் வென்றனர். ஆஸ்திரேலிய வீரர்கள் இருவர் இரட்டை சதங்கள் அடித்தனர். பில் பொன்ஸ் போர்ட் (Bill Ponsford) 266 ரன்கள் டான் ப்ராட்மன் (Don Bradman) 244 குவித்தனர்.

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°


வாசுதேவன் பெங்களூரு