"கப்"பு எங்களுக்குத்தான்... திருவிளையாடல் தருமி போலவே பேசும் டிவில்லியர்ஸ்!

அவப்பெயர் நீக்கம்

டி வில்லியர்ஸ் கூறியாதாவது: தென் ஆப்பிரிக்க அணி தற்போது மிகுந்த தன்னம்பிக்கையுடன் உள்ளது. நாக்-அவுட் சுற்றுகளில் வெற்றி பெற்றதில்லை என்ற அவப்பெயரை இந்த உலக கோப்பையில் நீக்கியுள்ளோம்.

எந்த அணியாலும் முடியாது

தென் ஆப்பிரிக்க அணி தனது முழு பலத்தோடு விளையாடினால், அதை எந்த அணியாலும் தடுக்க முடியாது.

போராடியுள்ளோம்

உலக கோப்பை தொடர்களில் மட்டும் தென் ஆப்பிரிக்கா சிறப்பாக ஆடுவதில்லை என்ற அவப்பெயர் இருந்தது. அத்தனை உணர்ச்சிவசங்களுக்கு நடுவேயும், அதோடு மோதி, அதை ஏர்றுக் கொண்டு, போராடி வெற்றி பெற்றுள்ளோம்.

பழங்கதைகள் பேசி பலனில்லை

பழைய கதைகள் மீது எங்களுக்கு நம்பிக்கையில்லை. அன்றைய போட்டியில் எப்படி விளையாடுகிறோமோ அதைப் பொறுத்துதான் வெற்றி, தோல்வி அமையும் என்பதில் மட்டுமே எனக்கு நம்பிக்கையுள்ளது.

புதிதாக வந்துள்ளோம்

உலக கோப்பை தொடர்களில் தென் ஆப்பிரிக்கா இதற்கு முன்பு பல சோதனைகளை சந்தித்துள்ளது. ஆனால் இம்முறை நாங்கள் முழுக்க ப்ரெஷ்ஷாக உள்ளோம். நாளைய நியூசிலாந்துக்கு எதிரான போட்டியை ஆவலோடு எதிர்பார்த்து காத்துள்ளோம்.

பிற அணிகளை பற்றி கவலையில்லை

நியூசிலாந்து பந்து வீச்சாளர் ஆடம் மில்னே காயத்தால் விலகியிருப்பது அவர்களுக்கு பெரும் இழப்புதான். ஆனால், என்னைப் பொறுத்தளவில், பிற அணிகளின் நிறை, குறைகளை அதிகமாக அலசி ஆராய்ந்து கொண்டிருப்பதில் விருப்பமில்லை. எங்கள் அணி எப்படி விளையாடுகிறது என்பது மட்டுமே எனக்கு முக்கியம். தென் ஆப்பிரிக்க அணி சிறப்பாக ஆடினால், கண்டிப்பாக வெற்றி எங்களுக்குதான் கிடைக்கும். இவ்வாறு டி வில்லியர்ஸ் தெரிவித்தார். இதனிடையே காயத்தால் அவதிப்பட்ட தென் ஆப்பிரிக்க வேகப்பந்து வீச்சாளர் பிளாண்டர் குணமடைந்து, பயிற்சியில் ஈடுபட்டார்.

அணியில் மாற்றம்?

பிளாண்டரை அணியில் சேர்ப்பதற்காக காலிறுதி போட்டியில் இலங்கையை வீழ்த்திய தென் ஆப்பிரிக்க அணியில் இருந்து கைல் அப்பாட் கழற்றி விடப்படலாம் என்று தெரிகிறது. இதுகுறிதித்து டி வில்லியர்ஸ் கூறுகையில், காலிறுதியில் அப்படி ஒரு அபார வெற்றி பெற்ற பிறகு, அணியை மாற்றம் செய்வது கஷ்டமான காரியம்தான். ஆனாலும், சில மாற்றங்கள் செய்யப்படலாம் என்றார்.