தோனி, ராயுடு அதிரடியில் இதயங்கள் படபடக்க... ஹெலிகாப்டர்கள் பறக்க... சிஎஸ்கேவுக்கு அபார வெற்றி!

100வது போட்டியில் கோஹ்லி

பெங்களூருவில் நடக்கும் ஆட்டம், விராட் கோஹ்லிக்கு, பெங்களூரு அணியின் கேப்டனாக 100வது ஆட்டமாகும். ஐபிஎல்லில் அதிக ரன்கள் குவித்தோர் பட்டியலில் முதலிடத்தைப் பிடிப்பதில் ரெய்னாவுக்கும் கோஹ்லிக்கும் போட்டி நடந்து வருகிறது. கேப்டனாக 100 ஆட்டத்தில் வெற்றி பெறும் ஆர்வத்துடன் கோஹ்லி உள்ளார்.

எதிர்பார்ப்பை ஏற்படுத்தியுள்ளது

சிஎஸ்கே, பெங்களூரு அணிகளுக்கு இடையே இன்று இரவு 8 மணிக்கு நடக்கும் ஆட்டம் மிகப் பெரிய எதிர்பார்ப்பை ஏற்படுத்தியுள்ளது. 2014ல் இருந்து தொடர்ந்து நான்கு ஆட்டங்களில் சிஎஸ்கே அணி, பெங்களூருவை வென்றுள்ளது. இன்று வென்று புள்ளிப் பட்டியலி்ல் மீண்டும் முதலிடத்தைப் பிடிக்க சிஎஸ்கேவும், பிளே ஆப் சுற்றுக்கு முன்னேறும் வாய்ப்புக்காக பெங்களுருவும் மோதுகின்றன.

205 ரன்கள் சேர்த்தது

பெங்களூருவில் நடக்கும் போட்டியில் டாஸ் வென்ற சென்னை சூப்பர் கிங்ஸ் பவுலிங்கை தேர்வு செய்துள்ளது. அதன்படி, முதலில் பேட்டிங் செய்த பெங்களூர் அணி துவக்கத்தில் இருந்தே அதிரடி காட்டியது. டிவில்லியர் 68, டிகாக் 53 ரன்கள் எடுத்தனர். பெங்களூர் 20 ஓவர்களில் 8 விக்கெட் இழப்புக்கு 205 ரன்கள் எடுத்தது.

கடைசி ஓவர் திரில் வெற்றி

206 ரன்கள் வெற்றி இலக்குடன் பேட்டிங் துவக்கிய சிஎஸ்கே அணி, வாட்சன் 7, ரெய்னா 11, சாம் பில்லிங்க் 9, ஜடேஜா 3 ஆகியோரை இழந்து 8.6 ஓவர்களில் 4 விக்கெட் இழப்புக்கு 74 ரன்கள் என்று திண்டாடியது. அப்போது ஜோடி சேர்ந்த அம்பதி ராயுடு, தோனி அதிரடியாக விளையாடினர். ராயுடு 82 ரன்களும், தோனி கடைசி வரை நின்று 70 ரன்களும் எடுக்க சிஎஸ்கே 5 விக்கெட் வித்தியாசத்தில் வென்றது.

கடைசி ஓவரில் 16 ரன்கள் தேவை என்ற நிலையில் மீண்டும் ஒரு திரில் வெற்றியை சிஎஸ்கே பெற்றது. இதன் மூலம் புள்ளிப் பட்டியலில் மீண்டும் முதலிடத்தைப் பிடித்துள்ளது.