CSK Roar 2026: ருதுராஜ் பவுலிங்கை பறக்கவிட்ட மிஸ்டர் கிரிக்கெட்.. சிரிப்பலையில் தோனி

சென்னை: சென்னை சேப்பாக்கம் மைதானத்தில் சிஎஸ்கேவின் 'ROAR 2026’ நிகழ்ச்சி பெரும் பரவசத்தை ரசிகர்கள் மத்தியில் ஏற்படுத்தியது. அதில் முன்னாள் வீரர் மைக்கேல் ஹசி, கேப்டன் ருதுராஜ் கெய்க்வாட் பந்துவீச்சில் சிக்ஸர் விளாச, எம்.எஸ். தோனி சிரிப்பில் ஆழ்ந்தார். ஐபிஎல் 2026 தொடருக்கு முன் நடைபெற்ற ஜாம்பவான்கள் பங்கேற்ற நிகழ்ச்சி காரணமாக , இது தோனியின் கடைசி சீசனாக இருக்கும் என்ற எதிர்பார்ப்பை அதிகரித்தது.

"மிஸ்டர் கிரிக்கெட்" எனப் பிரபலமாக அறியப்படும் சிஎஸ்கே முன்னாள் பேட்டிங் பயிற்சியாளர் மைக்கேல் ஹசி, ஞாயிற்றுக்கிழமை சேப்பாக்கம் எம்.ஏ. சிதம்பரம் மைதானத்தில் வலைப்பயிற்சியில் ஈடுபட்டார். மார்ச் 22 அன்று ஐபிஎல் 2026 தொடங்குமுன் நடந்த நிகழ்வில், ஹசி, ருதுராஜ் பந்துவீச்சில் சிக்ஸர் அடித்தார். சிஎஸ்கே வெளியிட்ட வீடியோவில், ஹசியின் இந்த ஆட்டத்தை பார்த்து தோனியின் சிரித்தார்.

ஐபிஎல்-ன் 19வது சீசனுக்கு முன்னதாக, ஐந்து முறை சாம்பியனான சிஎஸ்கே அணி மார்ச் 22 அன்று 'ROAR 2026' என்ற ரசிகர் நிகழ்வை நடத்தியது. பல முன்னாள் சிஎஸ்கே நட்சத்திரங்களும் இதில் இணைந்தனர். முன்னாள் வீரர் எஸ். பத்ரிநாத் தனது எக்ஸ் (X) பக்கத்தில், அணி வென்ற ஐந்து ஐபிஎல் கோப்பைகளுடன் வீரர்கள் நிற்கும் படத்தைப் பகிர்ந்து, “பழைய ஜாம்பவான்கள் அணி” (“O(ldie)G squad”) என்று தலைப்பிட்டிருந்தார்.

அந்தப் புகைப்படத்தில், அம்பதி ராயுடு, மேத்யூ ஹேடன், முத்தையா முரளிதரன், பார்த்திவ் படேல், சுரேஷ் ரெய்னா, டுவைன் பிராவோ, ஹர்பஜன் சிங், ஜோகிந்தர் சர்மா, முரளி விஜய், லட்சுமிபதி பாலாஜி ஆகியோர் இடம்பெற்றிருந்தனர்.

சிஎஸ்கே தனது 2026 ஐபிஎல் பயணத்தை மார்ச் 30 அன்று குவஹாத்தியில் ராஜஸ்தான் ராயல்ஸ் (RR) அணிக்கு எதிராக தொடங்குகிறது. தொடர்ந்து, ஏப்ரல் 3 அன்று பஞ்சாப் கிங்ஸ் (PBKS), ஏப்ரல் 5 அன்று நடப்பு சாம்பியன் ராயல் சேலஞ்சர்ஸ் பெங்களூரு (RCB), ஏப்ரல் 11 அன்று டெல்லி கேபிடல்ஸ் (DC) அணிகளுடன் மோதுகிறது.

சிஎஸ்கேவின் நட்சத்திர வீரர் எம்.எஸ். தோனி மீண்டும் ஐபிஎல் தொடரில் களமிறங்குகிறார். இதுவே அனுபவம் வாய்ந்த விக்கெட் கீப்பர்-பேட்ஸ்மேனான அவரது கடைசி சீசனாக இருக்கலாம் எனப் பரவலாக யூகிக்கப்படுகிறது. 44 வயதான தோனி, ரோஹித் சர்மா, விராட் கோலி, மனீஷ் பாண்டேவுடன், ஐபிஎல்-ன் அனைத்து சீசன்களிலும் பங்கேற்ற நான்கு வீரர்களில் ஒருவர்.

தனது ஐபிஎல் வாழ்க்கையில், தோனி 278 போட்டிகளில் 38 சராசரியுடனும் 137 ஸ்ட்ரைக் ரேட்டுடனும் 5,439 ரன்கள் எடுத்துள்ளார். லீக் வரலாற்றில் அதிக ரன்கள் அடித்தவர்கள் பட்டியலில் அவர் ஆறாவது இடத்தைப் பிடித்துள்ளார்.