ருதுராஜ் ஒரு மோசமாக கேப்டன் என்று சொன்னாரா சாம்சன்.. உண்மையில் நடந்தது என்ன?

மும்பை: சிஎஸ்கே கேப்டன் ருதுராஜ் கெய்க்வாட் மற்றும் சஞ்சு சாம்சன் ஆகியோர் குறித்து சமூக ஊடகங்களில் பரவிய போலிச் செய்தியை இந்திய முன்னாள் கிரிக்கெட் வீரர் ஆகாஷ் சோப்ரா அம்பலப்படுத்தியுள்ளார். சமூக ஊடக தளமான எக்ஸ் -இல் ஒரு போலி பதிவு வேகமாகப் பரவி வந்தது. அந்தப் பதிவின்படி, கேப்டனாக ருதுராஜ் தோல்வியடைந்த நிலையில், சென்னை அணியை வழிநடத்த விரும்புகிறீர்களா என்று நேர்காணல் செய்பவர் சாம்சனிடம் கேட்டதாகக் கூறப்பட்டது.

அதற்கு பதிலளித்த விக்கெட் கீப்பர்-பேட்ஸ்மேன் சாம்சன், தான் நிச்சயமாக சிஎஸ்கே அணியை வழிநடத்த விரும்புவதாகவும், கெய்க்வாட் தலைமையில் சென்னை அணி எதையும் வெல்லாததால் அவர் ஒரு மோசமான கேப்டன் என்றும் கூறியதாக அந்தப் பதிவில் குறிப்பிடப்பட்டிருந்தது.

ஆகாஷ் சோப்ரா அந்தப் போலி பதிவில் இருந்த கேள்வி மற்றும் சாம்சனின் பதில் ஆகியவற்றை வாசித்து, அதற்கு மக்கள் எவ்வாறு எதிர்வினையாற்றினர் என்பதை விளக்கி, இறுதியாக அது ஒரு போலி செய்தி என்பதை ஆதாரத்துடன் நிரூபித்தார். ஏனெனில் அப்படி ஒரு நேர்காணல் உண்மையில் நடக்கவே இல்லை. "சிஎஸ்கே அணிக்காக எந்தவொரு பொறுப்பையும் ஏற்க சாம்சன் தயாராக உள்ளார் என்று அந்தப் பதிவில் கூறப்பட்டுள்ளது.

கெஞ்சி கேட்கிறேன்.. சிஎஸ்கே-விடமிருந்து இவரை வாங்கி கொண்டு ஹர்திக் பாண்டியாவை கொடுங்க.. ஸ்ரீகாந்த்

இது கேட்பதற்கு சரியாகவே தெரிகிறது. ஆனால், 'ருதுராஜ் தோல்வியடைந்துள்ள நிலையில், நீங்கள் சிஎஸ்கே அணியை வழிநடத்த விரும்புகிறீர்களா?' என்று கேட்கப்பட்ட கேள்விக்கு, 'தேவையானதைச் செய்ய நான் முற்றிலும் தயாராக இருக்கிறேன், எப்படியும் அவரது கேப்டன்சியில் சிஎஸ்கே எதையும் வெல்லவில்லை. உண்மையில், அவர் ஒரு மிக மோசமான கேப்டன். அவருக்கு உலகின் சிறந்த விளையாடும் லெவனை (XI) கொடுத்தாலும் அவரால் எதையும் வெல்ல முடியாது.

எனவே நான் தயாராக இருக்கிறேன்' என்று சாம்சன் கூறியதாக எழுதப்பட்டுள்ளது. மக்கள் இந்தப் பதிவைப் படித்துவிட்டு, சஞ்சு தான் கேப்டன் பதவிக்கு சரியான தேர்வு என்றும், அவருக்கு ஒரு வாய்ப்பு கொடுத்தால் அவர் நிரூபிப்பார் என்றும் கூறி வருகிறார்கள். இறுதியில், சிலர் இந்த நேர்காணலின் லிங்க் எங்கே என்று கேட்டுள்ளனர். உண்மையில் அப்படி ஒரு நேர்காணலே இல்லை. சாம்சன் இதை ஒருபோதும் கூறவில்லை. இது முற்றிலும் போலிச் செய்தி. சஞ்சு சாம்சன் அப்படிப் பேசவே இல்லை" என்று சோப்ரா தனது இன்ஸ்டாகிராம் பக்கத்தில் பகிர்ந்துள்ள வீடியோவில் தெளிவுபடுத்தியுள்ளார்.

Also Read

சிஎஸ்கே அணியிடமே சரியான தேர்வு இருக்கு.. நீங்க கிரிக்கெட் வர்ணணை வேலை மட்டும் பாருங்க- ஸ்ரீகாந்த்

ஐபிஎல் 2026 சீசனுக்கு முன்னதாக ராஜஸ்தான் ராயல்ஸ் அணியில் இருந்து சென்னை சூப்பர் கிங்ஸ் அணிக்கு சாம்சன் மாற்றப்பட்டார். அவர் ராஜஸ்தான் அணியின் கேப்டனாக இருந்தபோதிலும், சாம்சன் சிஎஸ்கே அணியில் இணைந்த பிறகும் ஐந்து முறை சாம்பியனான சென்னை அணியை ருதுராஜ் கெய்க்வாட்டே தொடர்ந்து வழிநடத்தி வருகிறார்.சிஎஸ்கே கடைசியாக 2023 ஆம் ஆண்டில் ஐந்தாவது முறையாக ஐபிஎல் கோப்பையை வென்றபோது பிளே-ஆஃப் சுற்றுக்கு தகுதி பெற்றது.அதன் பிறகு கடந்த 3 சீசன்களிலும் பிளே ஆப் சுற்றுக்கு தகுதி பெறவில்லை.