நல்லவேளை! தோனி ஸ்டம்ப்பில் அடிச்சும் ராகுல் அவுட் ஆகலை! இல்லைனா சிஎஸ்கே ஜெயிச்சுருக்க முடியுமா?

தோனி வேகம்

தோனி வேகமாக செயல்பட்டு, பந்தை எடுத்து ஸ்டம்ப்பை நோக்கி மின்னல் வேகத்தில் அடித்தார். பந்தும் ஸ்டம்பில் அடித்தது. ஆனால், பெயில்ஸ் கீழே விழவில்லை. இதற்குள், ராகுல் மீண்டும் க்ரீஸுக்குள் நுழைந்தார்.

அம்பயர் ரிவ்யூ

பெயில்ஸ் கீழே விழாததால், தான் அவுட் இல்லை, அவுட் இல்லை என அம்பயரிடம் கூறினார் ராகுல். எனினும், அம்பயர் ரிவ்யூ பார்க்கக் கோரினார். ரீப்ளேவில் பெயில்ஸ் மேலே எழும்பவில்லை எனத் தெரிந்தது.

தப்பினார் ராகுல்

அதனால், நூலிழையில் ரன் அவுட் ஆவதில் இருந்து தப்பினார் ராகுல். தோனியிடம் தப்பிய ராகுல் அரைசதம் அடித்தார். ஆனால், பஞ்சாப் அணி இந்தப் போட்டியில் வெற்றி பெறவில்லை. அதற்கு காரணம் ராகுல் தான்.

பஞ்சாப் தோல்வி

ராகுலும், சர்ப்ராஸ் கானும் இணைந்து மிகப் பொறுமையாக ரன் சேர்த்து, கடைசி மூன்று ஓவர்களில் 46 ரன்கள் எடுக்க வேண்டிய நிலைக்கு அணியை எடுத்துச் என்றனர். எனினும், அவர்களால் ரன் ரேட் அழுத்தத்தை மீறி ரன் குவிக்க முடியவில்லை. அதனால், பஞ்சாப் அணி 22 ரன்கள் வித்தியாசத்தில் தோல்வி அடைந்தது.

நல்லவேளை

ஒருவேளை 13வது ஓவரில் தோனியின் ரன் அவுட்டில் ராகுல் வெளியேறி இருந்தால், டேவிட் மில்லர் அதிரடியாக ஆடி அணியை வெற்றி பெற வைத்திருப்பார். எப்படியோ, பெயில்ஸ் கீழே விழாமல் போக, பஞ்சாப் வீரர் ராகுல் "செமயாக" பேட்டிங் ஆடி சென்னையை வெற்றி பெற வைத்து விட்டார்.