அஸ்வின் தான் என்னுடைய சாய்ஸ்.. இந்திய அணியில் கண்டிப்பாக இருக்கனும்.. காரணம் இது தான்

யாருக்கு சாதகம்

ஆஸ்திரேலிய ஆடுகளங்களில் லெக் ஸ்பின், பேட்ஸ்மன்களுக்கு சற்று நெருக்கடி தரும். ரன் குவிக்க முற்படும்போது விக்கெட்டுகள் விழ வாய்ப்புள்ளது. இதனால் இந்திய அணியில் சாஹல் முதல் சுழற்பந்துவீச்சாளராக இடம் பெறுவார். இந்த நிலையில் இரண்டாவது சுழற் பந்துவீச்சாளர் யார் என்ற குழப்பம் நீடிக்கிறது. அக்சர் பட்டேலை சேர்க்கலாமா அல்லது அஸ்வினை சேர்க்கலாமா என்ற சந்தேகம் இருக்கிறது.

விட்டோரி கருத்து

இது குறித்து கருத்து தெரிவித்துள்ள டேனியல் விட்டோரி, டி20 அணியில் கண்டிப்பாக அஸ்வின் இடம் பெற வேண்டும் என்று தெரிவித்துள்ளார்.அதற்கு காரணம் அஸ்வின் ஆஸ்திரேலியாவில் நிறைய முறை விளையாடி இருக்கிறார். அவருக்கு ஆஸ்திரேலியா ஆடுகளம் எப்படி செயல்படும் என்று நன்றாக தெரியும். அந்த அனுபவம் அஸ்வினுக்கு நிச்சயம் கை கொடுக்கும்.மேலும் அஸ்வின் சூழலுக்கு தகுந்தவாறு தன்னை மாற்றிக் கொள்வதில் வல்லவர்.

ஆல்ரவுண்டர் தேவை

இதனால் போட்டியில் எந்த நேரத்தில் எப்படி செயல்பட வேண்டும் என்று அஸ்வினுக்கு நன்றாக தெரியும். மேலும் அஸ்வின் பேட்டிங்கிலும் தற்போது நன்றாக வளர்ந்து வருகிறார் .பிளேயிங் லெவனில் பேட்டிங் தெரிந்த சுழற் பந்துவீச்சாளர் இருந்தால் அது அணியின் பேலன்ஸ்க்கு உதவும்.இதனால் அஸ்வினை கீழ் வரிசையில் பேட்டிங்கிற்காகவும் இந்தியா பயன்படுத்தலாம். அவர் நல்ல உடல் தகுதியுடன் இருந்தால் என்னுடைய முதல் சாய்ஸ் அஸ்வின் தான் என்று குறிப்பிட்டுள்ளார்.

அஸ்வின் Vs சாஹல்

அஸ்வின் இதுவரை ஆஸ்திரேலியா மண்ணில் ஐந்து டி20 போட்டிகளில் விளையாடி ஐந்து விக்கெட்டுகளை கைப்பற்றி இருக்கிறார்.சராசரியாக ஒரு ஓவருக்கு 7.4 ரன்கள் கொடுத்திருக்கிறார். இதேபோன்று சாஹல் ஆஸ்திரேலிய மண்ணில் 3 டி20 போட்டிகள் விளையாடி நான்கு விக்கெட்டுகளை வீழ்த்திருக்கிறார். ஆனால் ஒரு ஓவருக்கு 10 ரன்கள் என்ற அளவில் கொடுத்து இருக்கிறார்.