கோலி இல்ல.. ரோஹித் இல்ல.. இந்தியாவின் "Most Valuable" வீரர் இவர் தான் - டேனிஷ் கனேரியா

நல்ல ஆவரேஜ்

இதில், இந்திய அணியின் லோ-ஆர்டரில் முதுகெலும்பாக இருக்கப் போகும் இரு வீரர்களில் ஒருவர் ரிஷப் பண்ட், மற்றொருவர் ரவீந்திர ஜடேஜா. உள்ளூரில் டெஸ்ட் கிரிக்கெட்டில், முச்சதம் வரை விளாசியவர் ஜடேஜா. நல்ல ஆவரேஜ் வைத்திருக்கிறார். விக்கெட்டுகளை கூட. சர்வதேச டெஸ்ட் கிரிக்கெட்டில் இதுவரை 51 போட்டிகளில் ஆடியுள்ள ஜடேஜா, மொத்தம் அடித்துள்ள ரன்கள் 1,954. ஆவரேஜ் 36.18. பெஸ்ட் ஸ்கோர் 100 (நாட் அவுட்).

வெளிநாடுகளில் பெர்ஃபாமன்ஸ்

வெளிநாடு டெஸ்ட் தொடர்களில் அவர் மொத்தம் 18 போட்டிகளில் விளையாடி, 748 ரன்கள் எடுத்திருக்கிறார். ஆவரேஜ் 32.52. பெஸ்ட் ஸ்கோர் 86( நாட் அவுட்). குறிப்பாக, இங்கிலாந்தில் அவர் 5 டெஸ்ட் போட்டிகளில் விளையாடி 276 ரன்கள் எடுத்திருக்கிறார். அவர் அடித்த 86* பெஸ்ட் ஸ்கோர் இங்கிலாந்தில் தான். இரண்டு அரைசதம் அடித்திருக்கிறார்.

வேல்யூவான ஆல் ரவுண்டர்

பந்துவீச்சைப் பொறுத்தவரை, இங்கிலாந்தில் 5 டெஸ்ட் போட்டிகளில் 233 ஓவர்கள் வீசியிருக்கிறார். அதில் 28 மெய்டன் ஓவர்கள். 16 விக்கெட்டுகள் கைப்பற்றி இருக்கிறார். பெஸ்ட் 4/79. ஒட்டுமொத்தமாக பார்க்கையில், இங்கிலாந்தில் ஓரளவு டீசண்ட்டான கிரிக்கெட்டை அவர் ஆடியிருக்கிறார். குறிப்பாக, இந்த சீசனில் ஜடேஜாவின் ஃபார்ம் உச்சத்தில் இருக்கிறது. பந்தை சரியாக க்ளீயர் செய்கிறார். டிஃபண்ஸ் ஆடுகிறார். அட்டாக் செய்கிறார். பந்தை சுழற்றி விக்கெட்டுகளை கைப்பற்றுகிறார். ஃபீல்டிங்கில் ஒரு ரோல் மாடலாக இருக்கிறார். மொத்தமாக ஒரு வேல்யூவான ஆல் ரவுண்டராக வலம் வருகிறார். நிச்சயம் இவர் நியூசிலாந்துக்கு, இங்கிலாந்துக்கும் கடினமான வீரராக இருப்பார் என்பதில் சந்தேகமே இல்லை.

முப்பரிமாண வீரர்

இந்நிலையில், பாகிஸ்தான் முன்னாள் வீரர் டேனிஷ் கனேரியா, உலக டெஸ்ட் சாம்பியன்ஷிப் பைனல் போட்டியில், ரவீந்திர ஜடேஜா இந்திய அணியின் மதிப்புமிக்க வீரராக இருப்பார் என்கிறார். இதுகுறித்து அவர், "நீங்கள் எந்த வடிவத்தில் விளையாடினாலும், பந்து வீச்சாளர்கள் மிக முக்கியமான அங்கம் வகிக்கிறார்கள் என்று நான் நினைக்கிறேன். பவுலர்கள் அதிகம் விக்கெட் எடுத்தால், அந்த அணி போட்டியில் வெற்றிப் பெறும். ரவீந்திர ஜடேஜாவைப் பற்றி பேசினால், அவர் ஒரு முப்பரிமாண வீரர். அவரைப் போன்ற ஒரு வீரரை நீங்கள் வெளியே வைத்திருக்க முடியாது, அவர் நிச்சயம் அணியில் விளையாட வேண்டும்.

ரன் அவுட்ஸ்

முக்கிய இடைவெளியில் அவர் உங்களுக்கு முக்கிய விக்கெட்டுகளை வீழ்த்தித் தருவார். அதே சமயம், அவர் லோ ஆர்டரில் சில பல ரன்களை எடுத்துக் கொடுக்கிறார். தேவையான நேரத்தில் பார்ட்னர்ஷிப் உருவாக்குகிறார். அவரது அபார ஃபீல்டிங் மூலம் கிடைக்கும் ரன் அவுட்கள் கூட அணியை பாதிக்கும். எனவே, அவர் உலக டெஸ்ட் சாம்பியன்ஷிப் இறுதிப் போட்டியில் இந்தியாவின் அணியின் மிகுந்த மதிப்புமிக்க வீரராக ஜடேஜா இருக்கப் போகிறார்" என்று கூறியுள்ளார்.