பல்வேறு சாதனைகள்
சர்வதேச அளவில் சிறந்த ஆட்டக்காரராக விளங்கிவரும் டேவிட் வார்னர், பல்வேறு சாதனைகளை புரிந்து வருகிறார். ஐபிஎல்-லிலும் பல்வேறு முந்தைய சாதனைகளை முறியடித்து வருகிறார். கடந்த 2014 முதலே குறைந்த போட்டிகளில் அதிகளவில் ரன்களை குவித்து சாதித்து காட்டிய அவர், கடந்த ஆண்டில் தடைவிதிக்கப்பட்ட நிலையில், தற்போது வீறுகொண்டு விளையாடி வருகிறார்.
12 போட்டிகளில் 692 ரன்கள்
தடை காரணமாக கடந்த ஆண்டு ஐபிஎல் தொடரில் வார்னர் இடம்பெறாவிட்டாலும், இந்த ஆண்டு ஐபிஎல் போட்டிகளில் விளையாடி, 12 போட்டிகளில் 692 ரன்கள் குவித்து சராசரியாக 69.20 சதவிகிதத்தை பெற்றுள்ளார். மேலும் ஸ்டிரைக் ரேட்டாக 143.86 புள்ளிகளையும் பெற்றுள்ளார்.
வார்னரின் மகள் கோலி ரசிகை
விராட் கோலி மற்றும் டேவிட் வார்னருக்கு இடையில் விளையாட்டில் போட்டி அதிகமாக காணப்பட்டாலும், வார்னரின் மகள் ஐவி மே, விராட்டின் தீவிர ரசிகையாக காணப்படுகிறார். தான் விராட் கோலியாக விரும்புவதாகவும் அவர் தெரிவித்துள்ளார்.
நெருப்புடா, நெருங்குடா பார்ப்போம்"
தன்னுடைய மகளுக்கு வார்னர் பந்துவீச, அதை எதிர்கொண்டு ஆடிய ஐவி, தான் கோலி என்று பெருமையுடன் சொல்கிறார். அவர் அவ்வாறு சொல்வது விராட் போல, தன்னை ஆட்டத்தில் விஞ்ச முடியாது என்று கூறும்படியாக உள்ளது. இந்த வீடியோவை டிவிட்டரில் பதிவிட்டுள்ள வார்னரின் மனைவி கேன்டிஸ் வார்னர், தாங்கள் இந்தியாவில் அதிக நாட்களை செலவழிப்பதால், இந்த சிறிய பெண், விராட்டின் தீவிர ரசிகையாக விளங்குகிறார் என்று தெரிவித்துள்ளார்.