பாப்பாவுக்கு பல்லு விழுந்துருச்சு.. நீங்களும் மொட்டை அடிங்களேன்.. வீடியோ போட்ட வார்னர்

பாப்பாவுக்கு பல்லு விழுந்திருச்சு

அடுத்து தனது மகளை உட்கார வைத்து இவர் மட்டும் டென்னிஸ் பந்தை வைத்து சுவரில் அடித்து அடித்து விளையாடிக் கொண்டிருந்தார் . அந்த வீடியோவும் வைரலானது. அதன் பிறகு அவரது குட்டி மகளுக்கு முதல் பல் விழுந்த போட்டோவை வெளியிட்டு, அய்யா.. இவிக்கு முதல் பல் விழுந்துருச்சு என்று கூறி குதூகலித்திருந்தார். இந்த நிலையில் தற்போது மொட்டை வீடியோ போட்டுள்ளார் வார்னர்.

மொட்டை போட்டுக் கொண்ட வார்னர்

இந்த வீடியோவில் தனக்குத் தானே மொட்டை போட்டுக் கொள்கிறார் வார்னர். முழு வீடியோவையும் பாஸ்ட் பார்வர்டில் ஓட விட்டுள்ளார். அதில், கொரோனாவைரஸ் பாதிப்பிலிருந்து மக்களை மீட்பதற்காக பலரும் களத்தில் இறங்கிப் பணியாற்றி வருகின்றனர். அவர்களுக்கு ஆதரவு தெரிவிக்கும் வகையில் எனது தலையை நானே மொட்டை அடித்துக் கொண்டுள்ளேன் என்று கூறியுள்ளார் வார்னர். நல்ல விஷயம்தான்.

நீங்களும் மொட்டை அடிக்கலாமே

இதேபோல நீங்களும் மொட்டை போடுங்க என்று விராட் கோலிக்கும், ஸ்டீவ் ஸ்மித்துக்கும் அவர் கோரிக்கை வைத்துள்ளார். அவர்களும் மொட்டை அடிப்பார்களா என்று தெரியவில்லை. ஆனால் இப்போதுதான் விராட் கோலியை உட்கார வைத்து பார்த்து பார்த்து முடி வெட்டி விட்டார் அவரது பாசக்கார மனைவி அனுஷ்கா.. இந்த நிலையில் விராட் கோலி மொட்டை போடுவாரா என்பது சந்தேகம்தான்.

ஆஸ்திரேலியாவிலும் கொரோனா பாதிப்பு

ஆஸ்திரேலியாவிலும் கொரோனாவைரஸ் கோர தாண்டவம் ஆடி வருகிறது. அங்கு இதுவரை 4000க்கும் மேற்பட்டோருக்கு பாசிட்டிவ் ஆகியுள்ளது. மக்களை மீட்கும் பணியில் டாக்டர்கள், சுகாதாரப் பணியாளர்கள், பல்துறையினர் தொடர்ந்து தீவிரமாக செயல்பட்டு வருகன்றனர். நம்ம நாட்டைப் போலவே அங்கும் லாக் டவுன்தான். இந்த நிலையில் இப்படி வீடியோ போட்டு பொழுது போக்கி வருகிறார்கள் பலரும்.