DC vs PBKS: ஒரே இன்னிங்சில் KL ராகுல் இத்தனை சாதனை படைத்தாரா? ரெய்னா, தோனியை பின்னுக்கு தள்ளினார்

டெல்லி: ஐபிஎல் 2026 தொடரில் பஞ்சாப் கிங்ஸ் அணிக்கு எதிராக டெல்லி கேப்பிடல்ஸ் தொடக்க வீரர் KL ராகுல் 67 பந்துகளில் ஆட்டமிழக்காமல் 152 ரன்கள் குவித்தார். ராகுல் 47 பந்துகளில் சதம் அடித்து அசத்த, 20 ஓவர்களில் அணி 264/2 ரன்களை எட்ட உதவினார். இந்த இன்னிங்ஸ் மூலம், அவர் ஐபிஎல் மற்றும் டி20 கிரிக்கெட்டில் பல சாதனைகளைப் படைத்தார்.

ராகுலின் சிறப்பான ஆட்டம், அவரது ஐபிஎல் ரன் ஸ்கோரை 5579 ஆக உயர்த்தியது. இதன் மூலம் தோனி மற்றும் சுரேஷ் ரெய்னாவை அவர் பின்னுக்கு தள்ளினார். தற்போது விராட் கோலி, ரோஹித் ஷர்மா, ஷிகர் தவான், டேவிட் வார்னர் ஆகியோருக்கு அடுத்தபடியாக, ஐந்தாவது அதிக ரன் குவித்த வீரராக உள்ளார்.

226.87 ஸ்ட்ரைக் ரேட்டில் ஆடிய ராகுல், 14 பவுண்டரிகளையும் 9 சிக்ஸர்களையும் விளாசினார். ஐபிஎல் இன்னிங்ஸ் பவுண்டரி சாதனையில், கிறிஸ் கெய்லிற்கு அடுத்து இரண்டாம் இடத்தைப் பிடித்தார்.டெல்லி அணி 2026 ஐபிஎல் சீசனின் மிக உயர்ந்த ஸ்கோரான 264/2 ரன்களைக் குவித்தது (29 பவுண்டரிகள், 13 சிக்ஸர்கள்). இதே போன்று ஒரே இன்னிங்ஸ் மூலம் ஆரஞ்ச் தொப்பியையும் நடப்பு சீசனில் அதிக ரன்கள் குவித்து முதலிடத்தை ராகுல் பிடித்தார்.

KL ராகுல் 67 பந்துகளில் 152 ரன்கள் விளாசி, 200-க்கு மேல் ஸ்ட்ரைக் ரேட் பதிவு செய்தார். இதன்மூலம், கிறிஸ் கெய்ல் மற்றும் பிரெண்டன் மெக்கல்லம் ஆகியோருக்குப் பிறகு, ஐபிஎல்-ல் 150 ரன்களுக்கு மேல் எடுத்த மூன்றாவது வீரரானார்.ஆரம்பத்தில் கோட்டை விடப்பட்ட கேட்ச் வாய்ப்பை பயன்படுத்திய ராகுல், ராணாவுடன் இணைந்து இரண்டாவது விக்கெட்டுக்கு 220 ரன்கள் சேர்த்தார்.

இது விராட் கோலி மற்றும் ஏபி டி வில்லியர்ஸ் இணைக்குப் பிறகு ஐபிஎல் வரலாற்றில் இரண்டாவது மிக உயர்ந்த பார்ட்னர்ஷிப் ஆகும். ராணாவின் 44 பந்துகளில் விரைவான ஆட்டம் ராகுலுக்கு வலுவான ஆதரவை அளித்தது.டெல்லி பவர்ப்ளேயில் 68/1 ரன்களும், நடு ஓவர்களில் 145 ரன்களும் எடுத்தது. ஒரு விக்கெட்டை இழந்த போதும், ராகுல் மற்றும் ராணாவின் ஆதிக்கத்தால், பஞ்சாப் அணி பந்துவீச்சு மற்றும் ஃபில்டிங்கில் தடுமாறியது.