இந்திய டெஸ்ட் அணியில் நம்பர் 3வது வீரராக இந்த ஆர்சிபி வீரரை சேர்க்கனும்.. அஸ்வின்

மும்பை: ஆர்சிபி வீரர் தேவ்தத் படிக்கல் இந்திய டெஸ்ட் அணியில் இடம்பெறத் தகுதியானவர் என முன்னாள் கிரிக்கெட் வீரர் அஸ்வின் வலியுறுத்தியுள்ளார். இடதுகை பேட்ஸ்மேனான அவர், டெஸ்ட் கிரிக்கெட்டில் நம்பர் 3 இடத்திற்குச் சிறந்த தேர்வாகக் கருதப்படுவதாகவும், அவருக்குத் தொடர்ச்சியான வாய்ப்பு வழங்கப்பட வேண்டும் என்றும் அஷ்வின் கூறியுள்ளார்.

25 வயதான படிக்கல், 2024 மார்ச் மாதம் இங்கிலாந்துக்கு எதிராக டெஸ்ட் அறிமுகமானார். இதுவரை இரண்டு டெஸ்ட் போட்டிகளில் விளையாடி, மூன்று இன்னிங்ஸ்களில் 90 ரன்கள் எடுத்து, ஒரு அரைசதத்தையும் பதிவு செய்துள்ளார்.

அஸ்வின் தனது சமீபத்திய யூடியூப் வீடியோவில், "தேவ்தத் படிக்கல் இந்திய டெஸ்ட் அணியின் நம்பர் 3 பேட்ஸ்மேனாக வர வேண்டும் என்று நான் விரும்புகிறேன். அவர் சிறப்பாக பேட் செய்துள்ளார், இந்திய அணிக்காக ஒரு நிரந்தர டெஸ்ட் வீரராக இடம்பெற அவர் தகுதியானவர். அவருக்கு நீண்ட கால வாய்ப்பு வழங்கப்பட வேண்டும்," என்று வலுவாகத் தெரிவித்தார்.

IPL 2026: சிஎஸ்கே அணி செய்தது தவறு.. இந்த விசயத்தை மாற்றி பார்க்கனும்.. பத்ரிநாத் கருத்து

நடப்பு ஐபிஎல் 2026 தொடரில் ஆர்சிபி அணியின் சிறப்பான பேட்ஸ்மேன்களில் படிக்கலும் ஒருவர். 11 இன்னிங்ஸ்களில் 367 ரன்கள் குவித்து, 172.30 ஸ்ட்ரைக் ரேட்டுடன், அணியின் இரண்டாவது அதிக ரன் அடித்த வீரராக அவர் உள்ளார்.

படிக்கல்லின் பேட்டிங்கில் ஆர்சிபி வழிகாட்டி தினேஷ் கார்த்திக்கின் சாயல் தென்படுவதாக அஸ்வின் சுட்டிக்காட்டினார். சுழற்பந்து வீச்சாளர்களுக்கு எதிராக படிக்கல் தனது ஆட்டத்தை கணிசமாக மேம்படுத்தியுள்ளார் என்பதையும் அவர் குறிப்பிட்டார்.

இதுகுறித்து பேசிய அஸ்வின், "அவரது சிக்ஸர்களைப் பார்த்தால் அது முற்றிலும் நேரத்தைப் பற்றியது. அவரது பேட்டிங்கைப் பார்க்கும்போது தினேஷ் கார்த்திக்கின் சில அடையாளங்கள் தென்படுகின்றன. அவர் சுழற்பந்து வீச்சாளர்களுக்கு எதிராக மிகவும் சுறுசுறுப்பாக செயல்படுகிறார். ராஜஸ்தானில் என்னுடன் இருந்தபோது சுழற்பந்து வீச்சாளர்களை பின் காலில் ஆடினார். இப்போது ரிவர்ஸ் ஸ்வீப் மற்றும் ஸ்வீப் ஷாட்களை ஆடுகிறார். கால்களையும் நன்றாக பயன்படுத்துகிறார்," என்றார்.

உள்ளூர் கிரிக்கெட்டிலும் படிக்கல் சிறப்பான சாதனையைப் படைத்துள்ளார். கர்நாடகாவைச் சேர்ந்த இந்த பேட்ஸ்மேன், முதல் தர கிரிக்கெட்டில் 90 இன்னிங்ஸ்களில் 3627 ரன்கள் எடுத்து, 42.67 சராசரியைப் பெற்றுள்ளார்.மே 13 அன்று ராய்பூரில் நடந்த ஐபிஎல் 2026 போட்டியில் விராட் கோலியின் ஆட்டமிழக்காத 105 ரன்கள் (60 பந்துகள்) ஆர்சிபி அணிக்கு ஆறு விக்கெட் வெற்றியைத் தேடித் தந்தது. அந்தப் போட்டியில் கொல்கத்தா நைட் ரைடர்ஸ் (கேகேஆர்) அளித்த 193 ரன்கள் இலக்கை ஆர்சிபி 19.1 ஓவர்களில் எட்டிப்பிடித்தது.

ஆர்சிபி அணியில் அதிரடி பேட்ஸ்மேன்கள் பலர் இருப்பதால், விராட் கோலி தனது நிலைத்து நின்று ஆடும் 'ஆங்கர்' பங்கைத் தொடர வேண்டும் என அஸ்வின் வலியுறுத்தினார். "விராட் கோலியின் பங்கு அப்படியே இருக்க வேண்டும் என்று நான் நினைக்கிறேன். இந்த அணியில் அவர் இந்த ரோலில் இருந்து மாற வேண்டிய அவசியம் இல்லை," என்று அவர் தனது வீடியோவில் தெரிவித்தார்.

IPL 2026: முதலிடத்தில் ஆர்சிபி இருந்தாலும், தொடரை விட்டு வெளியேறும் அபாயம்.. விவரம்

கோலியின் அணித் தோழர்கள் குறித்து அஷ்வின், "ஜேக்கப் பெத்தேல் ரிஸ்க் எடுக்க வேண்டும், தேவ்தத் படிக்கல் ஏற்கெனவே ரிஸ்க் எடுக்கிறார், டிம் டேவிட் ஒரு பவர்பேட்ஸ்மேன், ராஜத் படிதார் நல்ல வேகத்தில் விளையாடுகிறார். முந்தைய ஆட்டங்களில் கோலி ரிஸ்க் எடுத்தது நல்லதே, அவர் யாருக்கும் நிரூபிக்க வேண்டியதில்லை. ஆயினும், அணியின் நலனுக்காக அவர் சிங்கிள் எடுத்ததை நான் விரும்பினேன், இந்த இன்னிங்ஸிற்கு நான் பாராட்டுகளைத் தெரிவிக்கிறேன்," என்றார்.

'