IND vs SL: இந்த 26 வயது வீரர் இந்திய அணிக்கு கடவுளால் அனுப்ப பட்டவர்.. முன்னாள் வீரர் பாராட்டு

காலே: இலங்கை அணிக்கு எதிரான முதல் டெஸ்ட் போட்டியின் முதல் நாளான இன்று, இந்திய அணியின் இளம் வீரர் தேவ்தத் படிக்கலை முன்னாள் இந்திய கிரிக்கெட் வீரர் சஞ்சய் மஞ்ச்ரேக்கர் வெகுவாகப் பாராட்டியுள்ளார். காலே சர்வதேச கிரிக்கெட் மைதானத்தில் இப்போட்டி நடைபெற்று வருகிறது. பயிற்சிப் போட்டியில் ஆட்டமிழக்காமல் 142 ரன்கள் குவித்து தனது சிறப்பான ஃபார்மைத் தொடர்ந்த படிக்கல், 3-வது விக்கெட்டுக்கு களம் இறங்கி தனது 4-வது டெஸ்ட் இன்னிங்ஸில் சதத்தைக் கடந்தார்.

சிறந்த ஃபார்மில் விளையாடி வரும் இந்த இடதுகை பேட்ஸ்மேன், முதல் நாள் தேநீர் இடைவேளையின் போது 122 பந்துகளில் 7 பவுண்டரிகள் மற்றும் 1 சிக்ஸருடன் 84 ரன்கள் எடுத்து ஆட்டமிழக்காமல் இருந்தார்.26 வயதான படிக்கலை எக்ஸ் தளத்தில் பாராட்டிய மஞ்ச்ரேக்கர், சுழற்பந்து வீச்சாளர்களுக்கு எதிராக விளையாட படிக்கல் இந்திய அணிக்குக் கிடைத்த ஒரு வரப்பிரசாதம் என்று குறிப்பிட்டுள்ளார்.

மேலும் அவரது பேட்டிங் நுணுக்கத்தையும் பாராட்டியுள்ள அவர், "தேவ்தத் படிக்கல் சுழற்பந்து வீச்சாளர்களுக்கு எதிராக இந்தியாவிற்கு கிடைத்த ஒரு வரப்பிரசாதம். தடுப்பாட்டம் மற்றும் அதிரடி ஆட்டம் என இரண்டிலும் மிகச்சிறந்த பேட்டிங் நுணுக்கத்தைக் கொண்டுள்ளார்" என்று பதிவிட்டுள்ளார்.

IND vs SL: சுற்றி வளைத்த இலங்கை வீரர்கள்.. தூக்கி அடித்த கேஎல் ராகுல்

கர்நாடகாவைச் சேர்ந்த இந்த இடதுகை பேட்ஸ்மேனின் முதல்தர கிரிக்கெட் சாதனையைத் திரும்பிப் பார்த்தால், இப்போட்டிக்கு முன்னதாக 56 போட்டிகளில் விளையாடி 43.18 சராசரியுடன் 3800 ரன்கள் குவித்துள்ளார். இதில் 21 அரைசதங்கள் மற்றும் 9 சதங்கள் அடங்கும், அவரது அதிகபட்ச ஸ்கோர் 232 ரன்கள் ஆகும்.

Also Read

IND vs SL: கேஎல் ராகுல், படிக்கல் அபார ஆட்டம்.. இந்திய அணி ரன் குவிப்பு.. இலங்கை தடுமாற்றம்

கேஎல் ராகுலுடன் ஜோடி சேர்ந்த தேவ்தத் படிக்கல் நிதானமாகவும் அதேவேளையில் நேர்மறையான அணுகுமுறையுடனும் விளையாடி ரன் குவிப்பைத் தொடர்ந்தார். இந்த ஜோடி 2வது விக்கெட்டுக்கு 150 ரன்கள் மேல் பார்ட்னர்ஷிப் அமைத்தனர். படிக்கல் 178 பந்துகளை எதிர்கொண்டு 131 ரன்கள் சேர்த்து ஆட்டமிழக்காமல் களத்தில் நிற்கிறார். தற்போது முதல் நாள் ஆட்டநேர முடிவில் இந்திய அணி 2 விக்கெட் இழப்பிற்கு 288 ரன்கள் எடுத்துள்ளது.