தோனி சிஷ்யன் டா! தல போல் நோ லுக சிக்சர் அடித்த சிஎஸ்கே வீரர் பிரவீஸ்

சென்னை சூப்பர் கிங்ஸ் அணியின் நட்சத்திர வீரரான டெவால்ட் பிரெவிஸ், 'தி ஹண்ட்ரட் 2026' போட்டியில் பர்மிங்காம் ஃபீனிக்ஸ் அணிக்கு எதிரான ஆட்டத்தின் போது, தனது பிரத்யேகமான 'நோ-லுக் சிக்ஸர் மூலம் ரசிகர்களைக் கவர்ந்தார். தென்னாப்பிரிக்க பேட்டரான இவர், 31 பந்துகளில் 55 ரன்கள் எடுத்து ஆட்டமிழக்காமல் இருந்து லண்டன் ஸ்பிரிட் அணி ஏழு விக்கெட் வித்தியாசத்தில் வெற்றி பெற உதவினார்.

பிரெவிஸ் இந்த சீசனின் தனது முதல் அரைசதத்தின் போது மூன்று சிக்ஸர்கள் மற்றும் ஐந்து பவுண்டரிகளை விளாசினார். இதில் லெக்-ஸ்பின்னர் ரெஹான் அகமதுவின் பந்துவீச்சில் அடித்து அசத்திய 'நோ-லுக்' சிக்ஸரும் அடங்கும்.

இன்னிங்ஸின் 36-வது பந்தில் லெக் ஸ்டம்பிற்கு வெளியே தூக்கி வீசப்பட்ட பந்தை எதிர்கொண்ட பிரெவிஸ், தனக்கான இடத்தை உருவாக்கி அதை லாங்-ஆன் திசையில் பிரம்மாண்ட சிக்ஸராக மாற்றினார். பந்தை அடித்த பிறகு அவர் பந்து செல்லும் திசையைத் திரும்பிக்கூட பார்க்கவில்லை. தி ஹண்ட்ரட் 2026 தொடரில் லண்டன் ஸ்பிரிட் அணிக்காக அதிக ரன்கள் குவித்த இரண்டாவது வீரராக பிரெவிஸ் உள்ளார். அவர் ஏழு இன்னிங்ஸ்களில் 149.61 ஸ்டிரைக் ரேட்டில் 196 ரன்கள் எடுத்துள்ளார்.

என் மீது பழியை போட்டு கொண்டேன்.. பேசாத என்னை அதிகம் பேச வைத்தார்கள்.. ரஹானே பரபர கருத்து

தி ஹண்ட்ரட் 2026 தொடரில் லண்டன் ஸ்பிரிட் அணி கடினமான ஒரு சீசனை எதிர்கொண்டது. இந்தத் தொடரிலிருந்து முதன்முதலில் வெளியேறிய அணி லண்டன் ஸ்பிரிட் தான். இருப்பினும், இந்த சீசனில் தங்களது இரண்டாவது வெற்றியைப் பதிவு செய்து அவர்கள் தங்களது கௌரவத்தைக் காப்பாற்றிக்கொண்டனர்.

இப்போட்டியில் முதலில் பேட்டிங் செய்த பர்மிங்காம் ஃபீனிக்ஸ் அணி 100 பந்துகளில் 4 விக்கெட் இழப்பிற்கு 162 ரன்கள் எடுத்தது. பேட்டிங்கில் ஜோ கிளார்க் 42 பந்துகளில் 73 ரன்கள் மற்றும் சீன் டிக்சன் 28 பந்துகளில் 51 ரன்கள் ஆகியோர் சிறப்பாகச் செயல்பட்டனர். லண்டன் ஸ்பிரிட் அணியின் பந்துவீச்சில் ஆடம் மில்னே, ஜேம்ஸ் கோல்ஸ், மேசன் கிரேன் மற்றும் ஹென்றி குரோகோம் தலா ஒரு விக்கெட்டைக் கைப்பற்றினர்.

இதனைத் தொடர்ந்து இலக்கை நோக்கி விளையாடிய லண்டன் ஸ்பிரிட் அணியில் லியாம் லிவிங்ஸ்டோன் மற்றும் டெவால்ட் பிரெவிஸ் ஆகியோர் பேட்டிங்கில் சிறந்து விளங்கினர். கேப்டன் லிவிங்ஸ்டோன் 30 பந்துகளில் 66 ரன்கள் எடுத்து அதிகபட்ச ரன் குவித்த வீரரானார். பந்துவீச்சில் உஸ்மான் தாரிக் 20 பந்துகளில் வெறும் 13 ரன்கள் மட்டுமே விட்டுக்கொடுத்து சிக்கனமாக பந்துவீசினார். லண்டன் ஸ்பிரிட் அணி இன்னும் 18 பந்துகள் மீதமிருந்த நிலையில் இலக்கை எட்டி ஆறுதல் வெற்றியைப் பெற்றது.

Also Read

கடைசி ஓவரில் 16 ரன்கள் தேவை.. ஹாட்ரிக் சிக்சர்களை பறக்கவிட்ட சிராஜ்.. இந்திய அணி திரில் வெற்றி

குறிப்பிடத்தக்க வகையில், பர்மிங்காம் ஃபீனிக்ஸ் அணியும் பிளே-ஆஃப் சுற்றிலிருந்து வெளியேறியுள்ளது. அவர்கள் விளையாடிய ஏழு போட்டிகளில் ஒரே ஒரு வெற்றியுடன் புள்ளிகள் பட்டியலில் கடைசி இடத்தில் தவித்து வருகின்றனர். மற்றொருபுறம், லண்டன் ஸ்பிரிட் அணி ஏழு போட்டிகளில் இரண்டு வெற்றிகளுடன் கடைசிக்கு முந்தைய இடத்தில் உள்ளது.