WATCH: கடைசி நேர நம்பிக்கையையும் தகர்த்த ரன் ரவுட்.. வேதனையில் கதறி அழுத தோனி

முக்கிய விக். காலி

அடுத்து களமிறங்கிய இந்தியாவில், ரோகித், கோலி, ராகுல் மூவரும் 1 ரன்களில் சொதப்பி ரசிகர்களை புலம்ப வைத்தனர். பண்ட் 32 ரன்கள், கார்த்திக் 6 ரன்கள் எடுத்தனர். பாண்டியா நிலைத்து ஆடி வந்தாலும் 32 ரன்களுக்கு வெளியேறினார்.

கைநழுவிய போட்டி

92 ரன்களுக்குள் 6 விக்கெட்டுகள் என்ற போதே ஆட்டம் கைநழுவி போனது. ஆனால், ஜடேஜாவுடன் ஜோடி சேர்ந்தார் தோனி, சரிவிலிருந்து மீட்டு அணியை வெற்றிக்கு அருகில் அழைத்து வந்தார். 7வது விக்கெட்டுக்கு 116 சேர்த்தது இந்த ஜோடி.

துடித்த ரசிகர்கள்

அதிரடியாக ஆடிய ஜடேஜா 77 ரன்களுக்கு ஆட்டமிழந்தார். ஆனால் களத்தில் தல தோனி நிற்பதால் ரசிகர்கள் நம்பிக்கையுடன் இருந்தனர். பின்னர் 50 ரன்களுக்கு தோனி ரன் அவுட் ஆக, ஒட்டுமொத்த ரசிகர்களும் துவண்டு போயினர்.

கதறி, அழுத தோனி

ஒட்டுமொத்த இந்தியாவின் நம்பிக்கையாக திகழ்ந்த தோனி, கடைசி நேரத்தில் ரன் அவுட் ஆகி களத்தில் இருந்து நடந்து பெவிலியன் திரும்பினார். அப்போது, மனம் வெதும்பி, வேதனையில் காணப்பட்ட தோனி, ஒரு கட்டத்தில் அழுதே விட்டார். அவர் அழுத வீடியோ சமூக வலைதளங்களில் வைரலாக பரவி வருகிறது. இந்திய ரசிகர்கள், தோனியின் ரசிகர்கள் மட்டுமல்லாது ஒட்டுமொத்தமாக கிரிக்கெட் ரசிகர்களும் ஒரு கணம் ஸ்தம்பித்து போயினர்.