இஷாந்த் நீக்கம் சரிதான் என்பதை நிரூபித்த 'ஷமி' .. செம பந்துவீச்சு.. டோணி பாராட்டு

By Mathi

Published: Thursday, October 24, 2013, 14:56 [IST]

ராஞ்சி: ஆஸ்திரேலியாவுக்கு எதிரான 4வது ஒருநாள் போட்டியில் ஷமியின் பந்துவீச்சு அபாரமாக இருந்தது என்று இந்திய அணி கேப்டன் டோணி புகழாரம் சூட்டியுள்ளார்.

கேப்டன் டோணியின் சொந்த ஊரான ராஞ்சியில் ஆஸ்திரேலியாவுக்கு எதிரான 4வது ஒருநாள் போட்டி நேற்று நடைபெற்றது. முதலில் ஆடிய ஆஸ்திரேலியா 295 ரன்களைக் குவித்தது.

முந்தைய 3 போட்டிகளில் இஷாந்த் சர்மா ரன்களை வாரி வாரிக் கொடுத்து இந்தியாவின் தோல்விக்கு வழி வகுத்திருந்தார். நேற்றைய போட்டியில் இஷாந்த் நீக்கப்பட்டு ஷமி சேர்க்கப்பட்டிருந்தார்.

ஷமி அபாரம்

இந்திய அணியின் பந்துவீச்சாளர் ஷமி, 42 ரன்களைக் கொடுத்து 3 விக்கெட்டுகளை வீழ்த்தினார். பின்னர் இந்திய அணி விறுவிறுவென ரன்களைக் குவிக்க தொடங்கியது. 4.1 ஓவரில் 27 ரன்களை எடுத்த நிலையில் மழை குறுக்கிட்டதால் ஆட்டம் கைவிடப்பட்டது.