தினேஷ் கார்த்திக் - தீபிகா ஜோடிக்கு இரட்டை குழந்தைகள்.. அழகான பெயர்கள் சூடல்.. வைரலாகும் புகைப்படம்!

கிரிக்கெட் பயணம்

கடந்த சில ஆண்டுகளாக சர்வதேச போட்டிகளில் வாய்ப்பு கிடைக்காமல் இருக்கும் தினேஷ் கார்த்திக், ஐபிஎல் உள்ளிட்ட உள்நாட்டு தொடர்களில் தனது ஃபார்மை நிரூபித்து வருகிறார். குறிப்பாக கொல்கத்தா நைட் ரைடர்ஸ் அணியின் கேப்டனாக இருந்து, தற்போது முக்கிய வீரராக வலம் வந்துக்கொண்டிருக்கிறார்.

கமெண்டேட்டர்

இதுமட்டுமல்லாமல் சமீப தினங்களாக வர்ணனையாளராகவும் தினேஷ் கார்த்திக் களமிறங்கியுள்ளார். உலக டெஸ்ட் சாம்பியன்ஷிப் இறுதிப்போட்டி முதல் பல சர்வதேச போட்டிகளுக்கு அவர் கமெண்டேட்டரி கொடுத்து வருகிறார். அவரின் பேச்சினை கேட்ட பல ரசிகர்கள் இணையத்தில் கொண்டாடினர்.

புதிய வரவு

இந்நிலையில் ரசிகர்களுக்கு மற்றொரு மகிழ்ச்சி செய்தியை தினேஷ் கார்திக் அறிவித்துள்ளார். அதாவது தினேஷ் கார்த்திக் - தீபிகா பல்லிக்கல் ஜோடிக்கு இரட்டை ஆண் குழந்தைகள் பிறந்துள்ளது. குழந்தைகளுடன் இருக்கும் புகைப்படத்தை சமூக வலைதளங்களில் பதிவிட்டுள்ள அவர், சில நாட்களிலேயே 3 ஆக (நாய் குட்டியையும் சேர்த்து) இருந்த குடும்ப எண்ணிக்கை 5 ஆக மாறியது. மிகவும் மகிழ்ச்சியாக உள்ளது என நெகிழ்ச்சி அடைந்துள்ளார்.

பெயர்களும் அறிவிப்பு

இதில் மற்றொரு சுவாரஸ்ய விஷயமும் அடங்கியுள்ளது. குழந்தைகளின் பெயரையும் அவர் அறிவித்துவிட்டார். தங்களது குழந்தைகளுக்கு அவர் கபிர் பல்லிக்கல் கார்த்திக் மற்றும் சியான் பல்லிக்கல் கார்த்திக் என பெயர் சூட்டியுள்ளனர். இதற்கு கிரிக்கெட் உலகை சேர்ந்த பலரும் வாழ்த்து தெரிவித்து வருகின்றனர்.