துலீப் கோப்பை 2026 பைனல்.. சவுத் ஜோன், நார்த் ஈஸ்ட் ஜோன் மோதல்.. நேரலை எந்த சேனல், ஒடிடி? நேரம்?

சென்னை: ஈஷான் கிஷன் தலைமையிலான ஈஸ்ட் ஜோன் அணி, 13 ஆண்டுகால கோப்பை வெல்லாத பயணத்தஙறகு முற்றுப்புள்ளி வைக்கும் முனைப்புடன் உள்ளது. இதற்காக திலக் வர்மா தலைமையிலான சவுத் ஜோன் அணியை துலீப் கோப்பை இறுதிப் போட்டியில் எதிர்கொள்கிறது. இப்போட்டி செப்டம்பர் 6, ஞாயிற்றுக்கிழமை அன்று சென்னையில் உள்ள சேப்பாக்கம் மைதானத்தில் தொடங்குகிறது.

சவுத் ஜோன் அணிக்கு தேவ்தத் படிக்கலின் வருகை கூடுதல் பலம் சேர்த்துள்ளது. சமீபத்தில் இலங்கை அணிக்கு எதிரான டெஸ்ட் தொடரில் சாய் சுதர்சனுக்கு ஏற்பட்ட காயம் காரணமாக இந்திய அணியில் கிடைத்த வாய்ப்பை படிக்கல் மிகச்சிறப்பாகப் பயன்படுத்திக் கொண்டார்.

அந்த டெஸ்ட் தொடரில் இரண்டு சதங்களுடன் தொடர் நாயகன் விருதையும் வென்று அசத்தினார் படிக்கல். தற்போது அதே ஃபார்மை துலீப் கோப்பை இறுதிப் போட்டியிலும் சவுத் ஜோன் அணிக்காக தொடர அவர் விரும்புகிறார். அவர் சிறப்பான ஆட்டத்தை வெளிப்படுத்தினால், சவுத் ஜோன் அணி 2023-க்குப் பிறகு மீண்டும் சாம்பியன் பட்டத்தை வெல்ல உதவிகரமாக இருக்கும். மேலும், இந்திய அணியின் 3-வது வரிசை ஆட்டக்காரராக தனது இடத்தை வலுப்படுத்தவும் இது அவருக்கு உதவும்.

தற்போது இந்திய டெஸ்ட் அணியின் திட்டங்களில் வைபவ் சூர்யவன்ஷி அல்லது திலக் வர்மா இடம் பெறவில்லை என்றாலும், இந்தியாவின் டி20 அணியின் துணைக் கேப்டனான திலக் வர்மா, பெங்களூருவில் நார்த் ஜோனுக்கு எதிரான அரையிறுதியில் ஆட்டமிழக்காமல் ஒரு சதமும் ஒரு அரைசதமும் விளாசி தனது டெஸ்ட் திறமையை நிரூபித்துள்ளார்.

இந்த சிறப்பான ஆட்டத்திற்குப் பிறகு, சவுத் ஜோன் அணியை வழிநடத்தும் திலக் வர்மா, இந்திய டெஸ்ட் அணியின் வெள்ளை நிற சீருடையை அணியும் தனது விருப்பத்தை வெளிப்படுத்தியுள்ளார்.மறுபுறம், சென்ட்ரல் ஜோனுக்கு எதிரான அரையிறுதியில் ஈஸ்ட் ஜோன் அணியின் சூர்யவன்ஷி 92 மற்றும் 40 ரன்கள் எடுத்தார். இதன் மூலம் வெள்ளை பந்து கிரிக்கெட்டில் சிக்சர்கள் அடிப்பது மட்டுமின்றி, முறையான டெஸ்ட் கிரிக்கெட்டிலும் தன்னால் சிறப்பாக விளையாட முடியும் என்பதை அவர் நிரூபித்துள்ளார்.

துலீப் கோப்பை தொடரின் ஈஸ்ட் ஜோன் மற்றும் சவுத் ஜோன் அணிகளுக்கு இடையிலான இறுதிப் போட்டி செப்டம்பர் 6, ஞாயிற்றுக்கிழமை அன்று நடைபெறுகிறது, இந்தப் போட்டி இந்திய நேரப்படி காலை 9:30 மணிக்குத் தொடங்கும். ஈஸ்ட் ஜோன் மற்றும் சவுத் ஜோன் அணிகளுக்கு இடையிலான இறுதிப் போட்டியை ஸ்டார் ஸ்போர்ட்ஸ் நெட்வொர்க் தொலைக்காட்சியில் நேரடியாகக் காணலாம். இப்போட்டியின் நேரடி ஒளிபரப்பை ஜியோஹாட்ஸ்டார் செயலியில் ஆன்லைனில் பார்க்கலாம்.