Click it and Unblock the Notifications
#1 1000ஆவது டெஸ்ட் போட்டி
இப்போட்டி இங்கிலாந்து அணி பங்கு பெரும் 1000ஆவது டெஸ்ட் போட்டி. சர்வதேச கிரிக்கெட் வரலாற்றில் 1000 போட்டிகளில் விளையாடிய முதல் அணி என்ற பெருமையை பெறுகிறது கிரிக்கெட் போட்டிகளை கண்டுபிடித்த இங்கிலாந்து அணி.
#2 ஜோ ரூட் 6000 ரன்கள்
இந்த போட்டியில் 40 ரன்களை எடுத்த போது சர்வதேச டெஸ்ட் போட்டிகளில் 6000 ரன்களை கடந்தார் இங்கிலாந்து அணியின் கேப்டன் ஜோ ரூட். குறைந்த காலா இடைவெளியில் 6000 ரன்களை கடந்த முதல் வீரர் என்ற பெருமையை பெற்றார். அவர் தனது முதல் டெஸ்ட் போட்டியில் இருந்து 5 ஆண்டுகள் 231 நாட்களில் இச்சாதனையை புரிந்துள்ளார் என்பது சிறப்பு.
#3 சொதப்பும் மிடில் ஆர்டர்
இங்கிலாந்து அணியின் மிடில் ஆர்டர் பேட்டிங் தொடர்ந்து சொதப்பி வருகிறது. நேற்றைய போட்டியில் அவர்கள் 213/3 என்ற நிலையில் இருந்து 283/9 என்ற நிலைக்கு வந்தனர். அதாவது 70 ரன்களுக்கு 6 விக்கெட் இழந்தனர் .
#4 கோஹ்லியின் கொண்டாட்டம்
இப்போட்டியில் இங்கிலாந்து அணியின் கேப்டன் ஜோ ரூட் விராட் கோஹ்லியின் அபாரமான பீல்டிங் திறமையால் ரன் அவுட் ஆனார். விராட் கோஹ்லி நேரிடையாக த்ரோ செய்து ரூட் விக்கெட்யை வீழ்த்தினார். அதன் பின்னர் தனது வாயில் விரல் வைத்து அதனை கொண்டாடினார். ஒருநாள் தொடரின் போது ரூட் இவ்வாறு செய்ததால் கோஹ்லி அதற்கு பழிவாங்கும் விதமாக நேற்று கொண்டாடியது குறிப்பிடத்தக்கது. அவர் எப்பொழுதும் திருப்பி கொடுக்கும் பழக்கமுடையவர் என்பது அனைவருக்கும் தெரிந்ததே.
#5 புறாவின் விளையாட்டு
நேற்றைய போட்டியின் போது களத்தின் நடுவே ஒரு புறா வந்து அமர்ந்தது. ரூட் மற்றும் ஜென்னிங்ஸ் விரட்டிய போதும் அது செல்லவில்லை. ஒருவழியாக அதனை வெளியேற்றி விட்டு போட்டியை தொடர்ந்தனர். அதன் பின்னரே இந்திய வீரர் மொஹம்மத் ஷமி விக்கெட் வீழ்த்தினார். நீண்ட போராட்டத்திற்கு பிறகு களமிறங்கிய ஷமி 2 விக்கெட்களையும் அஸ்வின் 4 விக்கெட்களையும் வீழ்த்தி இங்கிலாந்து அணிக்கு நெருக்கடி கொடுத்தனர்.
