பாகிஸ்தானை 3-0 என ஓயிட்வாஷ் செய்த இங்கிலாந்து.. 3வது டெஸ்டிலும் வெற்றி.. பாபர் அசாம்க்கு சோகம்

எட்ஜ்பாஸ்டன்: பாகிஸ்தானுக்கு எதிரான மூன்றாவது டெஸ்ட் போட்டியில் இங்கிலாந்து அணி 8 விக்கெட் வித்தியாசத்தில் அபார வெற்றி பெற்றது. இதன் மூலம் 3 போட்டிகள் கொண்ட டெஸ்ட் தொடரை 3-0 என்ற கணக்கில் முழுமையாகக் கைப்பற்றி இங்கிலாந்து வரலாற்று சாதனை படைத்துள்ளது. இங்கிலாந்து மண்ணில் பாகிஸ்தான் அணிக்கு எதிராக இங்கிலாந்து டெஸ்ட் தொடரை முழுமையாகக் கைப்பற்றுவது இதுவே முதல் முறையாகும்.

போட்டியின் நான்காம் நாளான சனிக்கிழமை, இங்கிலாந்து அணி வெற்றி பெற வெறும் 130 ரன்களே தேவையாக இருந்தது. இருப்பினும், இலக்கை நோக்கி களம் இறங்கிய இங்கிலாந்து அணிக்கு தொடக்கத்திலேயே அதிர்ச்சி காத்திருந்தது. வேகப்பந்து வீச்சாளர் முகமது அப்பாஸ் வீசிய முதல் ஓவரிலேயே தொடக்க ஆட்டக்காரர்களான பென் டக்கெட் மற்றும் எமிலியோ கே ஆகிய இருவரும் ரன் ஏதும் எடுக்காமல் ஆட்டமிழந்தனர்.

இதனால் இங்கிலாந்து அணி 2 ரன்களுக்கு 2 விக்கெட்டுகளை இழந்து தவித்தது. இதனைத் தொடர்ந்து ஜோடி சேர்ந்த கேப்டன் ஜோ ரூட் மற்றும் ஜோர்டான் காக்ஸ் ஆகிய இருவரும் பொறுப்பான ஆட்டத்தை வெளிப்படுத்தி அணியை மீட்டனர். பாகிஸ்தான் பந்துவீச்சை நிதானமாக எதிர்கொண்ட இந்த ஜோடி, இறுதிவரை ஆட்டமிழக்காமல் அணியை வெற்றிப் பாதைக்கு அழைத்துச் சென்றது.

ஒரே ஓவரில் 5 சிக்சர்.. மும்பை இந்தியன்ஸ் வீரர் நமன் தீர் அதிரடி.. 37 பந்தில் 91 ரன்கள் குவிப்பு

ஜோ ரூட் 62 ரன்களுடனும், ஜோர்டான் காக்ஸ் 59 ரன்களுடனும் களத்தில் இருந்தனர். காக்ஸ் அடித்த ஒற்றை ரன் மூலம் இங்கிலாந்து அணி 8 விக்கெட் வித்தியாசத்தில் வெற்றியைப் பதிவு செய்தது. இங்கிலாந்து அணியின் டான் லாரன்ஸ் ஆட்டநாயகனாகத் தேர்வு செய்யப்பட்டார். அவர் முதல் இன்னிங்ஸில் 65 ரன்கள் எடுத்ததுடன், இரண்டாவது இன்னிங்ஸில் முக்கியமான 2 விக்கெட்டுகளையும் வீழ்த்தி அசத்தினார்.

இந்தத் தொடர் முழுவதும் சிறப்பான பந்துவீச்சை வெளிப்படுத்தி 21 விக்கெட்டுகளை வீழ்த்திய இங்கிலாந்தின் ஆலி ராபின்சன் தொடர்நாயகன் விருதை வென்றார். பாகிஸ்தான் தரப்பில் 13 விக்கெட்டுகளை வீழ்த்தி பேட்டிங்கிலும் பங்களித்த முகமது அப்பாஸ், அந்த அணியின் சிறந்த வீரராகத் தேர்ந்தெடுக்கப்பட்டார்.

இந்தப் போட்டியில் பாகிஸ்தான் அணி தோல்வியடைந்தாலும், அவர்களின் போராட்டம் ரசிகர்களைக் கவர்ந்தது. குறிப்பாக, அறிமுக வீரராகக் களம் இறங்கிய ரசாவுல்லா தனது ஆல்ரவுண்ட் திறமையால் அனைவரது கவனத்தையும் ஈர்த்தார். முதல் இன்னிங்ஸில் ஜோ ரூட்டின் விக்கெட் உட்பட 4 விக்கெட்டுகளை வீழ்த்திய அவர், பின்னர் பேட்டிங்கில் 8 விக்கெட்டுக்கு 312 ரன்கள் என அணி தடுமாறியபோது களமிறங்கி அதிரடியாக 81 ரன்கள் குவித்தார்.

முகமது அப்பாஸ் உடன் இணைந்து ஒன்பதாவது விக்கெட்டுக்கு அவர் அமைத்த 121 ரன்கள் கூட்டணி பாகிஸ்தான் அணிக்கு கணிசமான முன்னிலையைப் பெற்றுத் தந்தது.மேலும், இரண்டாவது இன்னிங்ஸில் அவாய்ஸ், ஷான் மசூத் மற்றும் பாபர் அசாம் ஆகியோர் அரைசதங்கள் கடந்து பாகிஸ்தான் அணியின் ஸ்கோரை உயர்த்த உதவினர். இருப்பினும், இங்கிலாந்து அணியின் அனுபவ ஆட்டத்திற்கு முன்னால் பாகிஸ்தானின் உத்லேகம் பலிக்காமல் போனது.

" width="200" height="113">

Also Read

விஜய், அஜித்தை சந்திப்பாரா விராட் கோலி.. லண்டனில் உச்சக்கட்ட எதிர்பார்ப்பு

இந்த வரலாற்று வெற்றியுடன் இங்கிலாந்து அணியின் கோடைகால டெஸ்ட் போட்டிகள் நிறைவடைந்துள்ளன. இங்கிலாந்து அணி தனது அடுத்த டெஸ்ட் தொடரை வரும் டிசம்பர் 17 ஆம் தேதி முதல் தென் ஆப்பிரிக்க மண்ணில் விளையாட உள்ளது. மறுபுறம், பாகிஸ்தான் அணி தனது சொந்த நாட்டில் இலங்கைக்கு எதிராக நவம்பர் 9 ஆம் தேதி முதல் இரண்டு போட்டிகள் கொண்ட டெஸ்ட் தொடரில் பங்கேற்கிறது.