பாகிஸ்தான் அணியை மரியாதை குறைவாக நடத்தாதீங்க.. அது எங்களுக்கும் வேகலம்- இங்கிலாந்து கேப்டன் ஜோ ரூட்

எட்ஜ்பாஸ்டன்: இங்கிலாந்துக்கு எதிரான டெஸ்ட் தொடரில் பாகிஸ்தான் அணி கடுமையாக திணறி வரும் நிலையில், அந்த அணிக்கு ஆதரவாக இங்கிலாந்தின் நட்சத்திர பேட்ஸ்மேன் ஜோ ரூட் குரல் கொடுத்துள்ளார். இத்தொடரில் பாகிஸ்தான் அணி எவ்வித போராட்ட குணத்தையும் வெளிப்படுத்தவில்லை என விமர்சிப்பது "மரியாதைக்குறைவானது" என்று அவர் தெரிவித்துள்ளார்.

ஹெடிங்லியில் நடைபெற்ற முதலாவது டெஸ்ட் போட்டியில் இன்னிங்ஸ் மற்றும் 103 ரன்கள் வித்தியாசத்திலும், லார்ட்ஸ் மைதானத்தில் நடைபெற்ற இரண்டாவது டெஸ்டில் 194 ரன்கள் வித்தியாசத்திலும் இங்கிலாந்து அணி அபார வெற்றி பெற்றது. இந்த தொடரின் நான்கு இன்னிங்ஸ்களிலும் பாகிஸ்தான் அணியால் 200 ரன்களைக் கூட கடக்க முடியாமல் போனது குறிப்பிடத்தக்கது.

தொடர் தோல்விகளைத் தொடர்ந்து, பாகிஸ்தான் கிரிக்கெட் வாரியம் அதிரடி நடவடிக்கைகளை மேற்கொண்டது. தலைமை பயிற்சியாளர் சர்பராஸ் அகமது மற்றும் பந்துவீச்சு பயிற்சியாளர் உமர் குல் ஆகியோர் பதவிகளில் இருந்து நீக்கப்பட்டனர். மேலும், முகமது ரிஸ்வான், இமாம்-உல்-ஹக் உள்ளிட்ட 7 மூத்த வீரர்கள் அணியில் இருந்து நீக்கப்பட்டு, புதிய இளம் வீரர்களுக்கு வாய்ப்பு அளிக்கப்பட்டுள்ளது.

பவுன்சர் கூட ஆட தெரியாதா? ஆர்ச்சர் பந்தில் ஆட்டமிழந்த பாபர் அசாம்.. பாகிஸ்தான் தடுமாற்றம்

எட்ஜ்பாஸ்டனில் நடைபெறவுள்ள இறுதி டெஸ்ட் போட்டிக்கு முன்னதாக செய்தியாளர்களிடம் பேசிய ஜோ ரூட், "பாகிஸ்தான் அணி எங்களுக்குப் சவாலாகவே இருந்தது என்பதில் மாற்றுக்கருத்தில்லை. அவர்கள் போராடவில்லை என்று கூறுவது பாகிஸ்தான் அணிக்கும், எங்களது அணிக்கும் இழைக்கப்படும் மரியாதைக்குறைவாகும். நாங்கள் மிகச் சிறப்பாக விளையாடியதாலும், ஆடுகளத்தின் தன்மைகளை விரைவாகப் புரிந்து கொண்டதாலும் தான் அவர்களைப் போட்டிக்குள் வர நாங்கள் அனுமதிக்கவில்லை" என்று கூறினார்.

Also Read

துலீப் கோப்பை: தோனி கூட இல்ல.. இசான் கிஷன் மாபெரும் சாதனை.. முதல் விக்கெட் கீப்பர் என பெருமை

"ஒரு அணி மிகச் சிறப்பானது என்றும், மற்றொரு அணி மிகவும் மோசமானது என்றும் எளிதாகக் கூறிவிட முடியாது. வழக்கமாக உண்மை நிலைமை இதற்கு இடைப்பட்டதாகவே இருக்கும். ஒரு அணி மிகச் சிறந்த ஆட்டத்தை வெளிப்படுத்தும்போது, மற்றொரு அணி மோசமாக விளையாடியதாக அர்த்தமல்ல. கடந்த இரு போட்டிகளில் என்ன நடந்தது என்பது முக்கியமில்லை, இந்த வாரம் புதிய சவாலாக இருக்கும். பாகிஸ்தான் அணியில் திறமையான வீரர்கள் பலர் உள்ளனர், அதை எதிர்கொள்ள நாங்கள் தயாராக இருக்க வேண்டும்" என்று ஜோ ரூட் குறிப்பிட்டார்.