107 ஆண்டுகள்ல இல்லாத சாதனை... ஜோ ரூட் தலைமையில் சாதித்த இங்கிலாந்து.. மிகச்சிறப்பு

டெஸ்ட் தொடரில் இங்கிலாந்து வெற்றி

இலங்கையில் சுற்றுப்பயணம் மேற்கொண்ட இங்கிலாந்து அணி 2 போட்டிகளை கொண்ட டெஸ்ட் தொடரில் போட்டியிட்டு 2க்கு 0 என்ற கணக்கில் தொடரை வெற்றி கொண்டுள்ளது. கேப்டன் ஜோ ரூட் தலைமையிலான அணி இந்த சாதனையை மேற்கொண்டுள்ளது.

தொடர் வெற்றி

இந்த இரு டெஸ்ட் போட்டிகளிலும் டாசிஸ் தோற்ற போதிலும் இரு போட்டிகளிலும் முறையே 7 விக்கெட்டுகள் மற்றும் 6 விக்கெட்டுகள் வித்தியாசத்தில் வெற்றி பெற்று தொடரை கைப்பற்றியுள்ளது இங்கிலாந்து அணி. இந்த இரண்டு போட்டிகளிலும் இரட்டை சதம் மற்றும் சதமடித்து கேப்டன் ஜோ ரூட் அணியின் வெற்றிக்கு காரணமாக அமைந்துள்ளார்.

426 ரன்கள்... 2 விக்கெட்டுகள்

இரு போட்டிகளிலும் சேர்த்து அவர் 426 ரன்கள் மற்றம் 2 விக்கெட்டுகளை வீழ்த்தி இந்த 2021 ஆண்டை சிறப்பாக துவக்கியுள்ளார். வெளிநாடுகளில் விளையாடப்பட்டுள்ள கடந்த 5 டெஸ்ட் போட்டிகளில் இங்கிலாந்து தொடர் வெற்றியை பெற்று பிரத்யேக சாதனையை மேற்கொண்டுள்ளது.

107 ஆண்டுகளுக்கு பிறகு சாதனை

கடந்த 107 ஆண்டுகளில் இல்லாத வகையில் தொடர்ந்து வெளிநாடுகளில் விளையாடப்பட்டுள்ள 5 டெஸ்ட் போட்டிகளை வெற்றி கொண்டு இங்கிலாந்து சாதனை மேற்கொண்டுள்ளது. கடந்த தென்னாப்பிரிக்காவிற்கு எதிரான 3 போட்டிகள் மற்றும் இலங்கைக்கு எதிரான 2 போட்டிகள் என தொடர்ந்து 5 போட்டிகளை வென்றுள்ளது இங்கிலாந்து அணி.

தொடர்ந்து 7 போட்டிகள் வெற்றி

கடந்த 1911 மற்றும் 1914 ஆண்டுகளுக்கு இடையில் இந்த சாதனையை இங்கிலாந்து மேற்கொண்டது. இந்த இடைப்பட்ட ஆண்டுகளில் தொடர்ந்து 7 போட்டிகளை வெற்றி கொண்டது. அதை தொடர்ந்து தற்போது 107 ஆண்டுகளுக்கு பிறகே இந்த சாதனை எட்டப்பட்டுள்ளது.